AVL-Linn 6

AVL-Linn 6

E Bus vun der fréierer Linn 6 (Mäerz 2017)
Bartreng - Fluchhafen
Bedreiwer	Autobus de la Ville de Luxembourg, Régime général des transports routiers
vu(n)	Bartreng, Gemeng 49°36'38,6917"N, 6°3'4,3434"O
op	Aéroport Quai 1 49°38'5,2192"N, 6°12'55,3885"O
iwwer	Bartreng, Helfenter Bréck, Märel, Belair, Uewerstad, Kierchbierg, Sennengerbierg, Fluchhafe Lëtzebuerg
Bustyp	Gelenkbus
opgaang	13. Dezember 2020
technesch Donnéeën allkéiers fir Aller a Retour
Längt	17,379 km, 17,143 km
Fuerzäit	46 min, 45 min
mëttel Vitess	22,67 km/h, 22,86 km/h

D'AVL-Linn 6 ass eng Buslinn vun de Stater Bussen. Se fiert zanter dem 13. Dezember 2020 um Trajet Bartreng, Gemeng - Helfenter Bréck - Märel - Belair - Stad - Kierchbierg - Sennengerbierg - Fluchhafen. Se huet 27 Halten um Aller an der 28 um Retour. Tëscht der Helfenter Bréck an der Uewerstad fiert se parallel mat der Linn 5 an duerno parallel mat der Linn 16 bis op de Flughafen. Se huet den Terminus zu Bartreng gemeinsam mat der Linn 5 an dee beim Flughafen zesumme mat der Linn 16.

An der Haaptverkéierszäit brauch d'Linn 6 um Aller 46 Minutte fir eng Streck vu ronn 17,38 Kilometer; um Retour 45 Minutte fir 17,14 Kilometer.

D'Linn fiert wiertes all 15-20 Minutten, samschdes a sonndes all 30 Minutten. Mueres fréi an owes spéit fiert se nëmmen tëscht Bartreng an der Uewerstad.

Duerch eng Konventioun tëscht der Stad Lëtzebuerg an dem Mobilitéitsministère iwwer AVL-Buslinnen déi vun der Stad aus an eng Nopeschgemeng fueren, gehéiert d'Linn 6 zum “service coordonné AVL/RGTR”.

Halten op der Linn 6

(D'Nimm vun den Halte si sou uginn, wéi se am offizielle Fuerplang publizéiert sinn.)

	Linn 6 (Aller)	Bemierkung
	Bertrange, Gemeng	gemeinsamen Terminus mat der Linn 5
	Bertrange, Dicks
	Helfent, City Concorde
	Helfent, Automobile Club
	Helfenterbruck
	Op der Millen
	Plak
	St Hubert
	Laang Heck
	Orval
	Place de France
	Merl, Parc
	Franciscaines
	Crécy
	Wampach
↑	Monterey
	Hamilius
	Fondation Pescatore
	Rout Bréck - Pafendall	Gare Pafendall-Kierchbierg
	B.E.I.
	Jean Monnet
	Antoine de St Exupéry
	Konrad Adenauer
	Avalon
	Poutty Stein
	Luxexpo
	Senningerberg, Autobunn
	Aéroport	gemeinsamen Terminus mat der Linn 16

Entwécklung vun der Linn 6

Mat der selwechter Linnennummer goufe follgend Trajete gefuer:

• vum 07.09.1959 ass déi Bouneweger Linn op der Streck Bouneweg (Ronnen Eck) - av. de la Gare - Grand-Rue - av. de la Liberté - rue des Trévires - Bouneweg gefuer; vum 01.10.1962 un gouf se als Linn 6 bezeechent.
• 1971 - 1980: Bouneweg (rte de Thionville) - Gare - Stad
• 1980 - 1990: Stad - Gare - Bouneweg / rte de Thionville - rue Gangler - Gare - Stad
• 1990 - 1992: Stad - Gare - Bouneweg / rte de Thionville - Gare - Stad
• 1992 - 2006: Polvermillen - Verluerekascht - Wallis-Plaz - Stad - Clausen - Fetschenhaff - Zens
• 2006 - 2011: Äppelwee / INS - Polvermillen - Verluerekascht - Wallis-Plaz - Stad - Clausen - Fetschenhaff - Zens
• 2011 - 2015: Bartreng, Gemeng - Helfent - Märel - Stad - Gare - Bouneweg, Demy Schlechter
• 01.06.2015 - 12.12.2020: Bouneweg, Demy Schlechter - Gare-Rocade - Stad - Märel - Helfenter Bréck - Bartreng, Gemeng

D'Linn 6 hat 29 Halten um Aller an der 30 um Retour. Tëscht Bouneweg an der Gemengegrenz op der Helfenter Bréck ass se parallel mat der Linn 5 gefuer an hat och déi zwéin Terminusse gemeinsam mat der Linn 5.

Wéinst dem Tramsschantje gouf d'Streck den 3. November 2019 geännert an huet dunn iwwer d'Al Avenue, d'Al Bréck an de Boulevard Roosevelt amplaz iwwer d'Nei Avenue an d'Nei Bréck gefouert.

An der Haaptverkéierszäit huet d'Linn 6 um Aller 40 Minutte fir eng Streck vu ronn 12 Kilometer an um Retour 40 Minutte fir 11,45 Kilometer gebraucht. Se ass an der Woch all 20 Minutten a samschdes all 30 Minutte gefuer. Sonndes ass se och all 30 Minutte gefuer, awer nëmmen tëscht Bartreng an der Uewerstad (Halt Monterey).

Um Spaweck

Commons: AVL-Linn 6 – Biller, Videoen oder Audiodateien

• Linn 6 op der Säit vun der Stad Lëtzebuerg