AVL-CN3

AVL-CN3

Den CN3 kënnt um 0h40.
City Night Bus 3
Bedreiwer	Autobus de la Ville de Luxembourg
vu(n)	Uewerstad, Hamilius 49°36'39,9150"N, 6°7'33,2767"O
op	Uewerstad, Hamilius 49°36'39,9150"N, 6°7'33,2767"O
iwwer	Uewerstad, Garer Quartier, Bouneweg, Hamm, Polvermillen, Bouneweg-Nord/Verluerekascht
Gefiertyp	Standardbus
opgaang	3. November 2019
Technesch Donnéeën allkéiers fir Aller a Retour
Längt	12.081 m
Fuerzäit	29 min
mëttel Vitess	25 km/h

D'AVL-Linn CN3 ass eng vun den Nuetslinnen déi ënner der Bezeechnung City Night Bus vun de Stater Bussen organiséiert ginn.

Se fiert zanter dem 3. November 2019 de Weekend – an den Nuechte vu freides op samschdes a vu samschdes op sonndes – all hallef Stonn vum Hamilius aus, wou se Uschloss un déi aner CN-Linnen huet, an déi verschidde Quartiere vun der Stad, absënns Bouneweg, Hamm a Polvermillen.

D'Linn CN3 ass eng Ronnfaart an huet nëmmen een Terminus; op hirem Trajet huet se 25 Halten a brauch 29 Minutte fir eng Faart.

Halten op der Linn CN3

(D'Nimm vun den Halte si sou uginn, wéi s'am offizielle Fuerplang publizéiert sinn.)

	Halten	Bemierkung
	Hamilius	| Uschloss un d'Linnen CN1, CN2, CN4, CN5, CN6, CN7, CN8
	F. D. Roosevelt
	Al Avenue
	Gare Centrale	Gare Lëtzebuerg
	Dernier Sol
	Hippodrome
	Lycée Bouneweg / LTB
	Jules Fischer
	Nic Martha
	Jeanne d'Arc
	Wisestrooss
	Vannérus
	Gabriel Lippmann
	Kofferfabrick
	Montmédy
	Englebert Neveu
	Hamm, Colonie
	Hamm, Schoul
	Hamm, Kierch
	Peupliers
	Pulvermuhl, Hammer Dällchen
	Général Patton
	Al Molkerei
	F. D. Roosevelt
	Hamilius	| Uschloss un d'Linnen CN1, CN2, CN4, CN5, CN6, CN7, CN8

Entwécklung vun der Linn CN3

• vu September 1999 bis de 24. November 2004: Stad - Bouneweg - Gaasperech - Hollerech - Stad; bis de 24. November 2004 ass d'Linn ënnert dem Numm Late Night Bus 3 gefuer.
• vum 25. November 2004 bis den 2. November 2019: Stad - Bouneweg - Gaasperech - Zéisseng - Hollerech - Stad.

Um Spaweck

Commons: AVL-CN3 – Biller, Videoen oder Audiodateien

• De City Night Bus op der Säit vun der Stad Lëtzebuerg