Ministère de la Mobilité et des Travaux publics
| Ministère de la Mobilité et des Travaux publics | |
|---|---|
.jpg) | |
| Ministère fir Mobilitéit an ëffentlech Aarbechten | |
| Land | Lëtzebuerg |
| Minister | Yuriko Backes |
| Verwaltungssëtz | Lëtzebuerg |
| Ënnersteet der/dem | Lëtzebuerger Regierung |
| Gegrënnt | 5. Dezember 2018 |
| Um Spaweck | https://mmtp.gouvernement.lu/ |
 | |
Deen dacks just Transportministère oder Bauteministère genannte Ministère fir Mobilitéit an ëffentlech Aarbechten (fr: Ministère de la Mobilité et des Travaux publics, gekierzt MMTP) ass e Ministère zu Lëtzebuerg dee sech prioritär op Interventiounen an de Beräicher Transport an ëffentlech Aarbechte këmmert.
Allgemenges
[änneren | Quelltext änneren]De Ministère ass 2018 entstanen an huet de fréiere Ministère du développement durable et des infrastructures ersat.
Kompetenz vum Ministère
[änneren | Quelltext änneren]D'Beräicher, Servicer a Verwaltungen déi ënnert d'Kompetenz vum Ministère fir Mobilitéit an ëffentlech Aarbechte falen, sinn am interne Reglement vun der Regierung festgehalen[1]. Dozou gehéieren ë. a.:
Beräich „Mobilitéit“
[änneren | Quelltext änneren]- Allgemeng Verkéierspolitik: Definitioun, Konzept an Orientéierung duerch d'Festleeë vun de Bedierfnesser, d'Bestëmme vun de Prioritéiten, d'Ëmsetze vun de Moyenen an d'Kontroll vun den Ausgaben; allgemeng Koordinatioun vun der Aarbecht; Persouneschutz vun de Regierung
- Eisebunn: Strategie a Koordinatioun vum Persounen- a Giddertransport; Entwécklung vun der Eisebunnsinfrastruktur a Koordinatioun vun der internationaler Eisebunnsubannung; Verwaltung vum Fonds du rail; Verwaltung vum Fonds des raccordements ferroviaires internationaux; Eisebunnsreguléierung; Gestioun vun den Eisebunnsgidder; Eisebunnsverwaltung; CFL
- Mobilitéitsplanifikatioun: Strategie, Koordinatioun, Iwwerwaachen a Planifikatioun vun der multimodaler Mobilitéit; Ausbau vun den Transportreseauen (Eisebunn, Tram, Bus, Strooss an duuss Mobilitéit) an der Intermodalitéit; innovativ Mobilitéitsoffer; Tram / Luxtram; grenziwwerschreidend Mobilitéit; Cellule fir duuss Mobilitéit; Observatoire vun der Mobilitéit; Mobilitéitsmodelléierung (Cellule modèle de trafic a Modèle multimodal et scénarios de mobilité transfrontaliers MMUST) - Mobilitéitskonzepter a -pläng (Gemengen, Patronen, Aktivitéitszonen, ëffentlech Gebaier, asw.).
- Stroosseverkéier: Fürerschäin a Chauffersausbildung; Reglementer a Verkéierssécherheet; Gestioun vun den Taxien a Locatiounsween mat Chauffer; Parkkaarte fir behënnert Leit
- Automobiltechnologie: Umellen, Homologatioun an technesch Kontroll vun de Stroossegefierer; autonom a connectéiert Gefierer; Dekarboniséierung vum Secteur vum Stroossentransport; Benotzungsrechter a Peage fir schwéier Stroossegefierer; Dematerialiséierung vun den Transportdokumenter; Zirkulatioun vu Gefierer mat Iwwergréisst
- Stroossentransport (Code de la route): Reglementer iwwer international Stroossentransporter; Geneemegunge fir den internationale Persounen- a Giddertransport op der Strooss; Stroossekontroll; Reglementer fir den Transport vu geféierleche Gidder (Strooss, Eisebunn, Banneschëfffaart) a verdierfleche Wueren (Strooss)
- Ëffentlechen Transport: Verwaltung fir den ëffentlechen Transport; Koordinatioun vun de verschiddenen ëffentlechen Transportmëttel; Festleeë vun der Offer; Mobilitéitszentral; Geneemegunge fir den internationale Persounentransport; Tarifikatioun; RGTR-Bedreiwer; Schoultransport fir Kanner oder Jugendlecher mat spezielle pedagogeschen Ufuerderungen a fir behënnert Persounen; Adapto-Service
- Banneschëfffaart: Reglementatioun; Exploitatioun vun der kanaliséierte Musel; Hafe vu Mäertert; Service de la navigation fluviale; Gestioun vun der Flott; Gestioun vum Equipage; Gestioun vun den ëffentleche Flossgebidder
- Kombinéiert Transporter: multimodal Politik; Logistik; intermodal Terminaler
- Administration des enquêtes techniques
- Reglementatioun; Fluchhafen; Navigatioun a Loftfaart; Loftsécherung; Direktioun vun der ziviller Loftfaart; Loftverkéiersverwaltung; Entwécklung vun der Fluchhafenaktivitäten; Luxairport; Cargolux; Luxair; Agence fir d'Flugsécherheet
Beräich „ëffentlech Aarbechten“
[änneren | Quelltext änneren]- Allgemeng Politik vun den ëffentlechen Aarbechten: Definitioun, Konzept an Orientéierung duerch d'Festleeë vun de Bedierfnesser, d'Bestëmme vun de Prioritéiten; allgemeng Koordinatioun vun den Aarbechten; allgemeng Koordinatioun vun der Aarbecht; Kommissioun fir Kritikanalysen; Gesetzgebung iwwer d'Marché-publicken; Soumissiounskommissioun
- Staatsgebaier: Administration des bâtiments publics; Bau, Ënnerhalt an energeetesch Sanéierung vun de Staatsgebaier; Investitiounsprojeten déi aus ëffentlechen administrativen, schouleschen, gesondheets oder sozialen Investitiounsfonge finanzéiert ginn; Ënnerhalts- a Renovatiounsfong; virfinanzéiert Projeten; Fonds pour la loi de garantie
- Staatsstroossen: Bauverwaltung; Bau an Ënnerhalt vun de Staatsstroossen; Realisatioun vu Projete vun der „grousser Voirie“ déi iwwer de Fonds des routes finanzéiert ginn; Bau an Ënnerhalt vu Staudämm a Brécken; Erweiderung vum nationale Reseau vun de Vëlosweeër
- Fonds d'urbanisation et d'aménagement du Plateau de Kirchberg
- Fonds pour la rénovation de la Vieille Ville
- Fonds pour la réalisation des équipements de l'État sur le site de Belval-Ouest
- Centre de ressources des technologies et de l'innovation pour le bâtiment GIE (CRTI-B)
Kuckt och
[änneren | Quelltext änneren]- Regierung (Lëtzebuerg)
- Lëscht vun de lëtzebuergeschen Transportministeren
- Lëscht vun de lëtzebuergesche Bauteministeren
Um Spaweck
[änneren | Quelltext änneren]| Commons: Ministère de la Mobilité et des Travaux publics – Biller, Videoen oder Audiodateien |
- De Ministère op gouvernement.lu, der Websäit vun der Regierung
- De Portail transports.lu
Referenzen an Notten
[Quelltext änneren]- ↑ Constitution des Ministères am Arrêté grand-ducal du 27 novembre 2023 portant approbation et publication du règlement interne du Gouvernement.