Fonds d'urbanisation et d'aménagement du plateau de Kirchberg

Vu Wikipedia
Op d'Navigatioun wiesselen Op d'Siche wiesselen

De Fonds d'urbanisation et d'aménagement du plateau du Kirchberg, kuerz Fonds du Kirchberg oder FUAK, ass en ëffentlecht Etablissement zu Lëtzebuerg, deem seng Aufgab et ass, de Kierchbierg an der Stad Lëtzebuerg urbanistesch z'erschléissen.

E gouf op onbestëmmt Zäit gegrënnt duerch e Gesetz vum 7. August 1961[1], e Gesetz, dat de 26. August 1965, den 28. August 1968 an den 8. Juni 2004 ëmgeännert gouf[2].

De Fong ënnersteet haut dem Ministère fir nohalteg Entwécklung an Infrastrukturen, a gëtt vun engem Verwaltungsrot geréiert. President vum Verwaltungsrot ass de Patrick Gillen.

Déi éischt Aufgab vum Fong war et, d'Rout Bréck ze bauen. Nodeems de Staat d'Terrainen opkaf hat, fir Europäesch Institutiounen ënnerzebréngen, huet de Fong deen nei Quartier developpéiert. Bis an d'1990er Jore war de Kierchbierg eng Usammlung vun eenzele Gebaier, déi méi schlecht wéi recht matenee verbonne waren, an dee vun enger Autobunn duerchgeschnidde war. Wéi sech ëmmer méi Banken um Kierchbierg néiergelooss hunn, gouf d'Autobunn zu engem Stadboulevard zréckgebaut (déi haiteg Avenue John F. Kennedy) an e méi dichte Bebauungsplang, mat gemëschte Fonctiounen, ausgeschafft.[3]

Literatur[änneren | Quelltext änneren]

  • Marianne Brausch: Fonds d'urbanisation et d'aménagement du plateau Kirchberg. Lëtzebuerg: Fonds Kirchberg, 2010.
  • Fernand Pesch: Le Fonds d'urbanisation et d'aménagement du plateau de KIRCHBERG: Histoire d'un mal-aimé. Esch-Uelzecht: Editions Le Phare, 2014, ISBN 978-99959-37-99-7.

Um Spaweck[änneren | Quelltext änneren]

Referenzen[Quelltext änneren]

  1. Loi du 7 août 1961 relative à la création d'un fonds d'urbanisation et d'aménagement du plateau de Kirchberg
  2. "Mission du Fonds" op fondskirchberg.lu.
  3. "Histoire" op fondskirchberg.lu.