Gare Bartreng-Stroossen
 D'Gare Bartreng-Stroossen am Mäerz 2013 | |
| ass eng | Gare |
|---|---|
| Status | am Gebrauch |
| opgaang | 1859 |
| Lag vun der Statioun | |
| Land | Lëtzebuerg |
| Gemeng | Bartreng |
| Koordinaten | 49°36'47,016"N, 6°3'35,366"O |
| Héicht i. M. | 295 m |
| Reseau | |
| Statiounscode | Btr |
| Bedreiwer | CFL |
| Reseau | CFL-Zuchreseau |
| P.K. | 6,178 km |
| Gleiser |
2 Duerchgangsgleiser 4 Stompgleiser 1 Uschlossgleis (Shell) |
| Gleiser mat Quai | 2 |
| Nopeschstatioun(en) |
Gare Lëtzebuerg, Gare Mamer Lycée |
 | |
 Lag vun der Gare Bartreng-Stroossen | |
D'Gare Bartreng-Stroossen ass eng Gare vun der Lëtzebuerger Eisebunn. Se läit am nordëstleche Wupp vu Bartreng, um Gebitt vun der Gemeng mam selwechten Numm, no bei Stroossen. Bei d'Gare kënnt een entweeder iwwer d'Rue de la Gare op der südlecher oder d'Rue du Chemin de fer op der nërdlecher Säit.
D'Gare Bartreng-Stroossen gehéiert zur Linn Lëtzebuerg - Klengbetten - Arel vum CFL-Zuchreseau. Se läit tëscht der Gare Lëtzebuerg an der Gare Mamer-Lycée.
Se huet e gratis Park & Rail-Parking mat 50 Plazen an dräi speziell Parkplaze fir Leit mat reduzéierter Mobilitéit. An enger Bikebox kann ee säi Vëlo ënnerdaach stellen. An der Gare gëtt et eng Ënnerféierung déi awer net fir Leit mat reduzéierter Mobilitéit accessibel ass.
Geschicht
[änneren | Quelltext änneren]Déi éischt Gare gouf 1858 gebaut an hat eng kleng Salle d'attente. 1883 gouf d'Gebai eng éischt Kéier vergréissert an ëm 1901 gouf den hëlzene Schapp mat engem Steebau ersat. 1908 gouf d'Gebai vun der Gare eng zweet Kéier vergréissert.
1956 bei der Elektrifizéierung vun der Streck goufen d'Gleiser erneiert an déi mechanesch Signaler mat Drotseelzuch goufe mat elektreschen ersat.
1976 goufen all d'Anlage moderniséiert an déi al Gare ass ewechgerappt ginn. En neit Gebai gouf op der Plaz vum Gardshaische vum PN. 79 gebaut, deen och suppriméiert gouf. Et gouf och en neit Relaisstellwierk gebaut, a Previsioun vun enger Fernsteierung op der ganzer Streck.
Den 23. Mee 1982 goufen d'Guicheten an der Gare fir zerguttst zougemaach.
Zu der Gare Bartreng-Stroosse gehéieren och d'Uschlëss vun de Bensinnsdepoten, déi a Richtung Lëtzebuerg tëscht Bartreng an der Helfenter Bréck sinn.
Fir sech dat aalt Garëgebai virzestellen, brauch ee just d'Gare vu Mamer kucken ze goen, dat ass e Guet dervun.
2014 gouf dat aalt Relaisstellwierk, dat bis dohi vu Klengbette ferngesteiert gi war duerch dat neit elektronescht Stellwierk vu Klengbetten ersat. Zanterhier gëtt d'Gare vu Bartreng-Stroossen ouni Tëschestatioun vu Klengbetten aus gesteiert.
| Vu(n) | Bis | Chef de Gare |
|---|---|---|
| 1858 | ? Heinen | |
| 1868 | Paul Devaux | |
| 1880 | 1902 | Evrard Weber |
| 1902 | 1916 | ? Petermann |
| 1916 | 1927 | Théodore Terens |
| 1927 | 1930 | Mathias Schmit |
| 1930 | 1933 | Leonard Meres |
| 1933 | 1936 | Mathias Beffort |
| 1936 | 1945 | Nicolas Steichen |
| 1945 | 1957 | J.-P. Breisch |
| 1957 | 1961 | Léon Geib |
| 1961 | 1967 | Nicols Melina |
| 1967 | 1970 | Roger Goedgen |
| 1970 | 1976 | Bernard Schloesser |
Zich déi an der Gare halen
[änneren | Quelltext änneren](Stand: Mäerz 2025)
Linn Lëtzebuerg ↔ Klengbetten ↔ (Arel)
[änneren | Quelltext änneren]Richtung Klengbetten
[änneren | Quelltext änneren]| Aus Richtung | Halt virdrun | Zuch | Nächst Halt | A Richtung | ||
|---|---|---|---|---|---|---|
| Lëtzebuerg | Lëtzebuerg | RB | Mamer-Lycée◆ oder Mamer | Klengbetten oder Arel | ||
◆ Méindes-freides, 7h-20h
Richtung Lëtzebuerg
[änneren | Quelltext änneren]Jeeweils an der entgéintgesater Richtung wéi an der Tabell uewendriwwer.
Biller
[änneren | Quelltext änneren]-
Vue op d'Gare vu Bartreng-Stroossen; a Richtung Klengbette gekuckt -
D'Bréck op der N35 déi iwwert d'Gare féiert
.jpg)
.jpg)
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Gare Bartreng-Stroossen – Biller, Videoen oder Audiodateien |
