Stellwierk

Vu Wikipedia
Wiesselen op: Navigatioun, sichen
An engem ale Stellwierk.

E Stellwierk ass eng Sécherheetsanlag bei der Eisebunn déi verschidde Missiounen z'erfëllen huet:

  • d'Iwwerwaachung vum Zoustand vun de Baudeeler déi fir den Zuch- a Rangéierbetrib noutwendeg sinn (Weichen, Signaler, Streckeblock an evt. Barrièren),
  • d'Steierung vun dëse Baudeeler,
  • d'Ofsécherung vum Zoustand vun dëse Baudeeler fir ze verhënneren datt iertemlech oder zoufälleg falsch Situatioune kënnen entstoen an doduerch e séchere Betrib vun den Zuch- a Rangéierbewegungen ze garantéieren.

Bauformen[änneren | Quelltext änneren]

Et gëtt véier verschidde Bauforme vu Stellwierker:

  • D'mechanescht Stellwierk
  • D'elektromechanescht Stellwierk
  • D'Relaisstellwierk
  • D'elektronescht Stellwierk

Mechanescht Stellwierk[änneren | Quelltext änneren]

E mechanescht Stellwierk.
Qsicon Ueberarbeiten.png Dëst Kapitel muss iwwerschafft ginn. Dat kann dru leien, datt Schreif- oder Tippfeeler dran ze fanne sinn, oder datt den Inhalt net ganz korrekt ass oder net explizit genuch ass, sou wéi en den Ament do steet.

An engem mechanesche Stellwierk gëtt et keng elektronesch Ënnerstëtzung. D'Signaler an d'Weiche gi manuell an déi richteg Stellung bruecht. Dat geschitt iwwer Hiewele mat Gewiichtstrommelen oder mat Kierpen. Iwwer Drotseeler oder alt mol Staange sinn déi Hiewele mat de jeeweilege Weichen oder Signaler (Stellungsarichtungen) verbonnen. Sou een Drotseel ka bis zu 1 km laang sinn. Mechanesch Stellwierker funktionéiere nom Verschlossplangprinzip. D'Signal- an d'Weichenhiewele si mechanesch sou matenee verbonnen, datt de Fuerdéngschtleeder e Signal nëmmen dann a Faartstellung brénge kann, wann all d'Konditioune fir déi gewënscht Fuerstrooss zoutreffen.

Mechanesch Stellwierker kënne wann de Kraaftopwand ze grouss ass, elektresch, pneumatesch oder hydraulesch ënnerstëtzt ginn. Garen déi mat sou Stellwierker equipéiert goufen, waren z. B. ëm 1910 d'Gare Saint-Jean vu Bordeaux[1] an Gare du Nord vu Paräis.

Elektronescht Stellwierk[änneren | Quelltext änneren]

An engem elektronesche Stellwierk ginn d'Signaler an d'Weiche mat Hëllef vu Computere gesteiert. Dat kann entweder reng elektronesch oder mat Relaisen geschéien. D'Signaler sinn ausschliislech Liichtsignaler.

  Méi Informatioun doriwwer am Artikel: Elektronescht Stellwierk Nuvola apps xmag.png

Referenzen[Quelltext änneren]

  1. Les Deux Révolutions industrielles du XXe siècle: 1880-1993