Eisebunnsstreck Kautebaach-Wolz

Vu Wikipedia
Op d'Navigatioun wiesselen Op d'Siche wiesselen
Eisebunnsstreck Kautebaach-Wolz
Kautenbach von Hockslay.jpg
Vue vun der Hockslee op Kautebaach
CFL lijn 1b.png
Streckekaart vu der Linn 1b
Linnennummer 1b
Besëtzer Lëtzebuerg
Bedreiwer CFL
vu(n) Gare Kautebaach 49°56'53"N, 6°1'21"O
op Gare Wolz 49°58'0"N, 5°55'44"O
iwwer Gare Mäerkels, Gare Paradiso
opgaang 23 Mee 1881
Technesch Donnéeën
Längt 9 km
Gréisst Steigung 15 ‰
Klengste Radius 189 m
Spuerbreet Normalspuer
Streckentyp eegleiseg
Vitesslimitatioun 55 km/h
Stroumsystem Elektrifizéierung mat 25 kV ~, Catenaire


D'Eisebunnsstreck Kautebaach-Wolz ass eng Eisebunnsstreck zu Lëtzebuerg. Se féiert vun Kautebaach op Wolz an ass haut eng Antenn vun der CFL-Linn 1.

D'Trasse fir d'Eisebunnsstreck Kautebaach-Wolz gëtt vun der Administration des chemins de fer verdeelt. D'CFL bedreift a geréiert d'Infrastruktur vun der Streck, déi am Besëtz vum Lëtzebuerger Staat ass.

Linn[änneren | Quelltext änneren]

D'Eisebunnsstreck Kautebaach-Wolz gëtt als Linn 1b bezeechent; am kommerzielle Passagéierverkéier ass se als Linn 10 bekannt[1].

D'Streck, déi de ganzen Zäit am Dall vun der Wolz leeft, huet 12 Brécken an zwéin Tunnellen.

Geschicht[änneren | Quelltext änneren]

Déi 9,48 Kilometer laang Streck déi vun der Prënz-Hari-Eisebunnsgesellschaft gebaut gi war, ass den 23. Mee 1881 ageweit ginn an den 1. Juni fir de Passagéiertrafic opgaangen[2]. Den 2. Juni 1981 goufen hir 100 Joer gefeiert.

D'Streck gouf 1991 elektrifizéiert. Bis 1967 hat se vun der Wëlzer Gare Uschloss un d'Eisebunnsstreck Wolz-Baaschtnech.

1907 krut de Mäerkelser Staatssteebroch e Gleisuschloss an 1916 nach zwéin aner Steebréch. 1950 goufen déi Uschlëss nees ewechgerappt.

Biller[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Commons: Eisebunnsstreck Kautebaach-Wolz – Biller, Videoen oder Audiodateien


Referenzen an Notten[Quelltext änneren]

  1. Réseau op cfl.lu, gekuckt de 6. Mäerz 2020
  2. Intérieur: L’inauguration du chemin de fer Wiltz-Kautenbach - an: L'indépendance luxembourgeoise Nr. 145 de 25. Mee 1881, S. 2