Gare Wolz

Gare Wolz
	An der Gare vu Wolz (2025)
ass eng	Gare, Gare oder Halt iwwer dem Buedem
Status	am Gebrauch
opgaang	1881
Lag vun der Statioun
Land	Lëtzebuerg
Gemeng	Wolz
Uertschaft	Nidderwolz
Koordinaten	49°57'59"N, 5°55'36"O
Héicht i. M.	326 m
Reseau
Statiounscode	Wz
Bedreiwer	CFL
Reseau	CFL-Zuchreseau
Streck(en)	Eisebunnsstreck Kautebaach-Wolz
Linn(en)	Eisebunnsstreck Kautebaach-Wolz
P.K.	9,104 km
Gleiser	2 + 1 Ofstellgleis
Gleiser mat Quai	2
Passagéier/Joer	255.679
	(2022)
Nopeschstatioun(en)	Gare Paradiso
	Lag vun der Gare Wolz

D'Gare vu Wolz ass eng Gare vun der Lëtzebuerger Eisebunn. Se läit an der Avenue de la Gare (CR329A) an der Sektioun Nidderwolz vun der Gemeng Wolz. Nërdlech a westlech vun der Gare entsteet de Wunnprojet Wunne mat der Wooltz.

D'Wëlzer Gare ass d'Kappgare an Terminus vun der Linn Kautebaach - Wolz, no der Gare Paradiso. Bei der Gare gëtt e gratis Park & Rail-Parking mat 193 Plazen a fënnef speziell Parkplaze fir Leit mat reduzéierter Mobilitéit. Vëloe kann een an enger Bikebox ënnerdaach stellen.

Geschicht

D'Gare vu Wolz gouf den 1. Juni 1881 vun der Société anonyme luxembourgeoise des chemins de fer et minières Prince-Henri (“Prënz”) op der Streck Kautebaach - Wolz opgemaach.

Vum 1. Juli 1888 bis de 24. September 1967 huet zousätzlech d'Schëmpecher Streck vu Wolz aus a Richtung Westen duerch den Dall vun der Wolz, weider iwwer Wanseler, d'Schleef, laanscht Schëmpech an Nidderwampech, bis op d'belsch Grenz bei Benonchamps gefouert. Vun do aus hat se Uschloss un d'Linn 164 vun der belscher Eisebunn, an iwwer déi eraus, vum Y bei der Gare Baaschtnech-Nord, Uschloss un d'Linn 163 vu Libramont op Sankt Vith. Eréischt nodeems déi Streck fir zerguttst zougemaach gouf, ass d'Gare vu Wolz eng Kappgare. Hautdesdaags leeft e groussen Deel vun der Vëlospist PC20 iwwer déi fréier Eisebunnsstreck.

Den 19. Oktober 2022 gouf de fréiere Marchandisenhangar vun der Gare als national Kulturierfschaft klasséiert.^[1]

(Stand: Februar 2025)

Aus Richtung	Halt virdrun	Zuch			Nächst Halt	A Richtung
Wolz	Terminus		RB^[2]		Paradiso^[3]	Kautebaach
Wolz	Terminus		RE		Paradiso^[3] oder Mäerkels^[3]	Kautebaach

Aus Richtung	Halt virdrun	Zuch			Nächst Halt	A Richtung
Kautebaach	Paradiso^[3]		RB^[2]		Terminus	Wolz
Kautebaach	Mäerkels^[3] oder Paradiso^[3]		RE		Terminus	Wolz

Commons: Gare Wolz – Biller, Videoen oder Audiodateien