Gare Dikrech
.jpg) D'Dikrecher Gare am November 2020 | |
| ass eng | Kappgare |
|---|---|
| Status | am Gebrauch |
| opgaang | 1862 |
| Lag vun der Statioun | |
| Land | Lëtzebuerg |
| Gemeng | Dikrech |
| Uertschaft | Dikrech |
| Koordinaten | 49°51'53"N, 6°9'14"O |
| Héicht i. M. | 195 m |
| Reseau | |
| Statiounscode | Dk |
| Bedreiwer | CFL |
| Reseau | CFL-Zuchreseau |
| P.K. | 4,100 km |
| Gleiser | 3 Stompgleiser |
| Gleiser mat Quai | 1 |
| Passagéier/Joer | 459.850 |
| (2022) | |
| Nopeschstatioun(en) |
Gare Ettelbréck, Gare Gilsdref |
 | |
 Lag vun der Gare Dikrech | |
.jpg)
D'Gare vun Dikrech ass eng Gare vun der Lëtzebuerger Eisebunn. Se läit nërdlech vun der N7 (Route d'Ettelbruck) an der Sektioun Dikrech an der Gemeng mam selwechten Numm. Et ass eng Kappgare an den Terminus vun der Linn Lëtzebuerg - Ettelbréck - Dikrech vum CFL-Zuchreseau.
D'Gare vun Dikrech huet e gratis Park & Rail-Parking mat 376 Parkplazen, speziell Parkplaze fir Leit mat reduzéierter Mobilitéit an eng Rëtsch Plaze fir elektresch Autoen opzelueden. Eng Bus-Gare ass direkt niewendrun.
Zanter dem 31. Dezember 2013 gëtt et keng Guichete méi.
Zich déi an der Gare halen
[änneren | Quelltext änneren](Stand: Februar 2025)
Linn Lëtzebuerg ↔ Ettelbréck ↔ Dikrech
[änneren | Quelltext änneren]| Aus Richtung | Halt virdrun | Zuch | Nächst Halt | A Richtung | ||
|---|---|---|---|---|---|---|
| Lëtzebuerg | Ettelbréck | RB | Terminus | Terminus | ||
Geschicht
[änneren | Quelltext änneren]D'Eisebunnsstreck tëscht Ettelbréck an Dikrech ass de 6. November 1862 opgaangen. Se huet am Ufank zum Guillaume-Luxembourg (GL) gehéiert a gouf vun 1872 u vun der Compagnie des chemins de fer de l'Est exploitéiert an duerno, bis 1878 vun der Direction générale impériale des chemins de fer d'Alsace-Lorraine.
Nodeems 1864 d'Sauerstreck vum Prënz, der Compagnie des chemins de fer Prince-Henri (PH), opgaange war, war eng Konventioun opgestallt ginn, mat där de Prënz d'Anlage vun der Dikrecher Gare benotze konnt, ausser der Dréischeif an dem Lokomotivschapp.
Mat engem Accord gouf de 15. Mee 1878 festgehalen, datt de PH d'Lokomotive bis op Ettelbréck stelle géif. Nieft enger Entschiedegung vu 0,85 Frang / km konnt dunn och d'Dréischeif benotzt ginn. D'gemeinsaamt Benotze vun der Dikrecher Gare gouf och nei gereegelt: de PH huet de Lokomotivschapp gelount an de Fuerdéngscht assuréiert iwwerdeems den Entretien vun de Gleiser an de Service an der Gare an den Hänn vun der Alsace-Lorraine bliwwen ass. Vun 1879 un huet de PH och de Persounentrafic op a vun Ettelbréck aus assuréiert.
Vum 9. Abrëll 1889 un a bis den 2. Mee 1948 ass eng weider Linn bei der Dikrecher Gare fortgefuer: d'Schmuelspuerbunn Benni op Veianen. Se hat keen eegent Garegebai an d'Zich si vis-à-vis vun der Gare vun der Guillaume-Luxembourg, virum Hôtel du Midi fortgefuer. D'Billjee goufen och vun der GL verkaaft.
Um ëstlechen Enn vun der Gare huet dem Benni säi Gleis fir op Veinen dat vun der Sauerstreck a Richtung Iechternach gekräizt. Et huet sech hei ëm déi eenzeg Schmuelspuer- an Normalspuerkräizung op Stroossenniveau gehandelt déi et zu Lëtzebuerg fir Persounenzich gouf.
Kuckt och
[änneren | Quelltext änneren]Literatur
[änneren | Quelltext änneren]- Ed Federmeyer & Pierre Pasquali . (2007). Eisenbahnen in Luxemburg . Gernrode Luxembourg: W. Herdam Fotoverl. G.A.R, Print.
- Ed. Federmeyer & Groupement des amis du rail. (1992). Schmalspurbahnen in Luxemburg. Luxemburg: G.A.R.
Um Spaweck
[änneren | Quelltext änneren]| Commons: Gare Dikrech – Biller, Videoen oder Audiodateien |
- Praktesch Informatiounen iwwer d'Gare Dikrech op der CFL-Websäit
- D'Gare Dikrech op der Websäit "rail.lu"
- D'Gare Dikrech op der Websäit vu Spoorgroep Luxemburg