Gare Capellen
 D'Gare zu Capellen (2011) | |
| ass eng | Gare |
|---|---|
| Status | am Gebrauch |
| opgaang | 1861 |
| Lag vun der Statioun | |
| Land | Lëtzebuerg |
| Gemeng | Mamer |
| Uertschaft | Capellen |
| Koordinaten | 49°38'19"N, 5°58'55"O |
| Héicht i. M. | 304 m |
| Reseau | |
| Statiounscode | Cp |
| Bedreiwer | CFL |
| Reseau | CFL-Zuchreseau |
| P.K. | 13,020 km |
| Passagéier/Joer | 92.292 |
| (2022) | |
| Nopeschstatioun(en) |
Gare Mamer, Gare Klengbetten |
 | |
 Lag vun der Gare Capellen | |
D'Gare vu Capellen (oder Gare op der Cap) ass eng Gare vun der Lëtzebuerger Eisebunn. Se läit westlech vum CR103 (Capellen – Holzem) um südwestleche Wupp vun der Sektioun Capellen an der Gemeng Mamer a gehéiert zur Linn Lëtzebuerg - Klengbetten - Arel vum CFL-Zuchreseau. Se läit tëscht der Gare Mamer an där vu Klengbetten.
D'Gare vu Capellen huet e gratis Park & Rail-Parking mat 39 Plazen an dräi speziell Parkplaze fir Leit mat reduzéierter Mobilitéit. Bei der Gare gëtt et eng Bikebox fir säi Vëlo ënnerdaach ze stellen. Direkt bei der Gare läit d'Barriär PN.81b um CR103.
Geschicht
[änneren | Quelltext änneren]Wéi déi nei Streck vu Lëtzebuerg op Klengbetten de 15. September 1859 opgaangen ass, waren ausser den zwou Garen op den Extremitéite vun der Streck just zwou Garen zu Mamer a Bartreng virgesinn. D'Gemeng Mamer wollt awer nach eng zousätzlech Garen op der Cap. D'Compagnie Guillaume-Luxembourg (gekierzt GL, oder „de Wëllem“ genannt) war bereet, versuchsweis eng Statioun op der Cap unzefueren, ënner der Konditioun, datt d'Onkäschte vun der Gemeng iwwerholl géifen. 1861 war den Accès bei déi geplangt Gare fäerdeg an d'GL war du bereet e Quai ze bauen an d'Halt ass am Laf vum Joer opgemaach ginn.
Nodeems déi ganz Streck tëschent 1974 an 1980 erneiert a moderniséiert gouf, gëtt se zënterhier vum zentrale Stellwierk zu Klengbetten gesteiert a brauch net méi besat ze sinn.
| Vu(n) | Bis | Chef de Gare |
|---|---|---|
| 1896 | 1911 | Peter Fonck |
| 1912 | 1914 | ? Millang |
| 1915 | 1927 | A. Roller |
| 1928 | 1933 | ? Fonck |
| 1934 | 1938 | ? Schwinnen |
| 1939 | 1940 | ? Berg |
| ? | 1955 | Al. Huberty |
Zich déi an der Gare halen
[änneren | Quelltext änneren](Stand: Mäerz 2025)
Linn Lëtzebuerg ↔ Klengbetten ↔ (Arel)
[änneren | Quelltext änneren]Richtung Klengbetten
[änneren | Quelltext änneren]| Aus Richtung | Halt virdrun | Zuch | Nächst Halt | A Richtung | ||
|---|---|---|---|---|---|---|
| Lëtzebuerg | Mamer | RB | Klengbetten | Klengbetten oder Arel | ||
Richtung Lëtzebuerg
[änneren | Quelltext änneren]Jeeweils an der entgéintgesater Richtung wéi an der Tabell uewendriwwer.
Biller
[änneren | Quelltext änneren]-
D'Gare op der Cap am Joer 2007… -
an zéng Joer méi spéit. -
2017 a Richtung Mamer gekuckt.
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Gare Capellen – Biller, Videoen oder Audiodateien |
