Gemeng Dippech

Dippech
Dippech
	d'Gemengehaus zu Schuller.
Aussprooch
An anere Sproochen	fr: Dippach; de: Dippach
Land	Lëtzebuerg
Kanton	Capellen
Buergermeeschter	Manon Bei-Roller (LSAP)
Awunner	4.461
	1 Januar 2021
Fläch	1.742 ha
Héicht	368 m
Koordinaten	49° 35’ 16’’ N; 05° 58’ 47’’ O
Websäit	http://www.dippach.lu
	D'Gemeng Dippech (orange); am Kanton Capellen (rout)

D'Gemeng Dippech ass eng vun den 102 lëtzebuergesche Gemengen. Se läit am Kanton Capellen. De Chef-lieu vun der Gemeng ass d'Uertschaft Schuller.

Geographie[änneren | Quelltext änneren]

D'Gemeng Dippech läit am Kanton Capellen tëscht de Gemenge Garnech a Mamer am Norden, Bartreng am Osten, Reckeng op der Mess a Suessem am Süden, an Nidderkäerjeng am Westen.

Eng Partie vun der Gemeng läit op engem grousse Plateau, deen deelweis d'Waasserscheed tëscht dem Rhäin- an dem Meusebaseng mécht, mat dem héchste Punkt an den Ierwenhecken am Nordweste vun der Gemeng op 378 Meter.

Vun der Gemengefläch sinn 303 ha Bëscher, an 28 ha Akerland oder Wise sinn am Besëtz vun der Gemeng.^[1]

Uertschaften an der Gemeng[änneren | Quelltext änneren]

Zu der Gemeng gehéiert och den Uertsdeel Dippecher Gare.

Vue aus dem Fliger op Dippech...
... an op Betteng op der Mess (lénks) an op d'Dippecher Gare (riets)

Geschicht[änneren | Quelltext änneren]

D'Dierfer Dippech, Betteng, Schuller a Sprénkeng goufen am Mëttelalter fir d'éischt ernimmt.^[2]

1795 goufen d'Éisträichesch Nidderlanden, zu deenen deemools och Lëtzebuerg gehéiert huet, vu franséische Revolutiounstruppen eruewert. Lëtzebuerg an déi aner Territoirë goufe vun der neier franséischer Republik annexéiert, an déi véier Dierfer sinn an der Gemeng Dippech regruppéiert ginn.^[2]

Wärend dem Zweete Weltkrich ass d'Gemeng net zerstéiert ginn. Den 9. September 1944 hunn amerikanesch Truppen d'Gemeng vum däitsche Besatzer befreit, een Dag virun der Stad Lëtzebuerg.^[2]

Dippech ass zanter 1973 mat Landiras aus dem franséischen Departement Gironde jumeléiert.

Bevëlkerung[änneren | Quelltext änneren]

Quell:STATEC
Am Joer 11 vum Republikanesche Kalenner (1802-1803) hat d'Gemeng 705 Awunner, dorënner 169 zu Betteng (24% vun der Gemengebevëlkerung), 262 zu Dippech (37%), 86 zu Sprénkeng (12%) an 188 zu Schuller (27%).^[2]

2015 hu 4.122 Leit an der Gemeng gewunnt, dorënner 1.172 zu Betteng (28%), 993 zu Dippech (24%), 528 zu Sprénkeng (13%) an 1.429 zu Schuller (35%).^[1]

Politik[änneren | Quelltext änneren]

De Gemengerot vun Dippech gëtt zanter 2005 nom Proporz-Walsystem gewielt. E setzt sech aus 11 Conseilleren zesummen.

Zesummesetzung[änneren | Quelltext änneren]

Joer	CSV	DP	LSAP	LB
2005	5	2	4	-
2011	4	2	5	-
2017	2	2	5	2

LB: D'Lëscht vun de Bierger. Quell: Inneministère / RTL.lu / elections.lu

Buergermeeschteren[änneren | Quelltext änneren]

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

1844: Nicolas Schumacher^[3]
...
1897-1944: Edouard Kirsch
1945: Jean Urbany^[4]
...
2009-2011: Claude Bosseler
2011-2012: Ady Hahn (LSAP)
2012 - haut: Manon Bei-Roller (LSAP)^[5]

Interkommunal Syndikater[änneren | Quelltext änneren]

D'Gemeng Dippech ass Member vu follgenden interkommunale Syndikater:

Veräinsliewen[änneren | Quelltext änneren]

An der Gemeng Dippech sinn eng Rei Veräiner aktiv, dorënner verschidde Chorallen a Museksveräiner, d'Dippecher Dachsen (Guiden a Scouten), de Kabarä PEPpERONI, de Land Rover Club Lëtzebuerg an d'Hëllefsorganisatioun Dippech hëlleft.^[6]

Am Sportberäich gëtt et den Tennis Club Dippech, d'Union Cycliste Dippach, de Bettener Reitclub an den FC Étoile Sportive Schouweiler.^[6]