Braunlauf (Baach)

Braunlauf

Quellgebitt vun der Braunlauf
Längt	16.750 m
Debit	11.85 m³/s
Hydrographesche Baseng	Rhäin
Fläch vum Baseng	35,46 km²
Originn
Originn	Zesummelaf vun 2 Baachen
Plaz	Maldingen
Héicht	468
Koordinaten	50° 14’ 22’’ N       06° 02’ 02’’ O
Konfluenz
Leeft an	d'Our
Plaz	Lommersweiler Grüfflingen (Neumühle)
Héicht	376 m
Koordinaten	50° 13’ 54.19’’ N       06° 10’ 25.18’’ O
Haaptnieweflëss	Rosbach, Mittelbach, Dorfbach, Moderbach, Entenbach, Prümerbach, Hasselbach
Geographie
Land	Belsch Provënz Léck
Uertschaften	Braunlauf, Neubrück, Galhausen an Neidingen

D'Braunlauf ass eng belsch Baach an der Provënz Léck. Si entsteet aus dem Zesummefloss vun zwou klenge Baachen dem Rossbach, an enger Baach ouni Numm, an enger Supp 900 m nërdlech vun der Uertschaft Maldingen op enger Héicht vu 468 m (ING Belsch)..

Si leeft vun do aus no Osten a Richtung Braunlauf a muss dofir ënner der aler Eisebunsslinn N° 163 erduercht. Ronn 1.500 Meter hanner Braunlauf kritt se Gesellschaft vum Mittelbach, an 2 km duerno vum Moderbach. No engem Laf vun 11 km, an 1 km südlech vu Breitfeld kënnt vu lénks de Prümerbach dran. Vun hei un dréint d'Braunlauf no Süden a Richtung Neidingen vir dann an engem schmuelen Dall weider laanscht Lommersweiler ze lafen.

Kuerz no Lommersweiler kënnt da vu riets nach den Hasselbach dran, a 1.700 Meter méi déif leeft se dann op enger Héicht vun 376 Meter bei der däitsch-belscher Grenzmaark N° 163 an d'Our. Hir Totallängt ass 16.750 m.

Naturschutz

Den Dall vun der Braunlauf a vun hiren Nieweflëss ass en Natura 2000 Schutzgebitt (Nr. BE33063).

Bloe Feierpaiperlek (Lycaena helle) laanscht d'Braunlauf

Batterkléi (Menyanthes trifoliata) laanscht d'Braunlauf