Bronisław Komorowski

Vu Wikipedia
Wiesselen op: Navigatioun, sichen
De Bronisław Komorowski.

De Grof Bronisław Maria Komorowski, gebuer de 4. Juni 1952 zu Oborniki Śląskie, ass e polnesche Politiker.

De Bronisław Komorowski, deen aus enger adleger Famill kënnt, ass studéierten Historiker. Hie war ënner dem kommunistesche Regime aktiv als Dissident, an huet sech ë. a. an der Gewerkschaft Solidarność engagéiert.

Hie war tëscht 1990 an 1993 Vizeminister vun der Verdeedegung an de Regierunge vum Tadeusz Mazowiecki, Jan Krzysztof Bielecki an Hanna Suchocka. Zanter 1991 war hien Deputéierten am Sejm, der Ënneschter Chamber a Polen. 2001 huet en, nodeem e Member vun anere Parteie war, mat déi liberal Biergerplattform opgeriicht.

2000-2001 war e Verdeedegungsminister a gouf 2007 President vum Sejm. Nom Fligeraccident vum 10. Abrëll 2010 zu Smolensk, bei deem ë. a. de Staatspresident Lech Kaczyński ëm d'Liewe koum, gouf hien, als Chamberpresdient, Staatspresident faisant fonction.

De 4. Juli 2010 huet hien d'Presidentschaftswalen, bei deenen en am 2. Tour géint dem Kaczyński säi Brudder Jarosław ugetrueden ass, gewonnen.

Um Spaweck[änneren | Quelltext änneren]

Commons: Bronisław Komorowski – Biller, Videoen oder Audiodateien