Centre hospitalier de Luxembourg
|
Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
| Centre hospitalier de Luxembourg | |
|---|---|
_(1).jpg) Den Hôpital municipal (2020) | |
| Basisdonnéeën | |
| Address: | CHL Centre, KannerKlinik a Verwaltungssëtz: 4, rue Ernest Barblé L-1210 Lëtzebuerg |
| Typ: | Ëffentlecht Etablissement[1] |
| Ouverture: | 1976[2] |
| Stationär Better: | 579 (2015)[3] |
| Mataarbechter: | 2.348 (2019)[2] |
| dovun Doktoren: | 300 (2015)[3] |
| Websäit: | www.chl.lu |
De Centre hospitalier de Luxembourg, kuerz CHL, ass en Zesummeschloss vu véier Spideeler an der Stad Lëtzebuerg:
- dem CHL Centre (och nach Hôpital municipal),
- dem CHL Eich (och nach Eecher Klinick, Clinique d'Eich),
- dem CHL Maternité (oder Maternité Grande-Duchesse Charlotte) an
- dem CHL Kannerklinick[4] (oder Clinique pédiatrique).
Den CHL ass den zéngtgréissten Employeur[2] zu Lëtzebuerg mat engem Personal vun 2.348 (2019)[2] Leit, dorënner ëm déi 300 Dokteren an 1.000 Infirmieren an Aide-Soignanten[3].
2018 goufen eng 170.000 Patienten am CHL behandelt oder diagnostizéiert. 2018 louchen d'Käschten a Recettë vum CHL bei jee ronn 400 Milliounen Euro. 2007 war dat knapps d'Hallschecht. De Gros dovu sinn d'Personal-Käschten.
Generaldirekter vum CHL ass zanter … de Romain Nati[5]; hie gëtt am Mäerz 2024, wann hien an d'Pensioun geet, vun der Dr Martine Goergen ersat[6].
Um Site vum CHL gëtt et zwielef national medezinesch Departementer:
- pediatresch Chirurgie
- Hemato-Onkologie
- Immuno-Allergologie
- Ustiechend Krankheeten
- intensiv Neonatologie
- Neurochirurgie
- spezialiséiert Pediatrie
- medezinesch assistéiert kënschtlech Befruchtung
- Kannerpsychiatrie
- pediatresch Intensivstatioun
- Stroke Unit Niveau 2
- pediatresch Urgence
Am CHL stinn och eng Rei national medezinesch Ekipementer, wéi de PET-Scan, d'extrakorporal Stousswellelithotripsie an de Laboratoire fir In vitro-Befruchtung.
Den CHL assuréiert eng permanent Garde fir d'Kannerklinick grad wéi fir all national Servicer.
Geschicht
[änneren | Quelltext änneren]Den CHL gouf mam Gesetz vum 10. Dezember 1975 gegrënnt[1]. En huet 1976 seng Dieren opgemaach, no der Zesummeféierung vum neigebauten Hôpital municipal mat der Maternité Grande-Duchesse Charlotte an der Clinique pédiatrique. 2004 ass nach d'Clinique d'Eich derbäikomm[2].
Hôpital municipal
[änneren | Quelltext änneren]Nieft villen Zerwisser vun der Allgemengmedezin, der Chirurgie an der Psychiatrie gëtt et am Hôpital municipal och nach aner national Departementer wéi dee vun der Neurochirurgie, vun der Onkologie-Hematologie, den Infektiouns- an Tropekrankheeten an der Immuno-Allergologie[2].
Maternité Grande-Duchesse Charlotte
[änneren | Quelltext änneren]
Méi Informatioun doriwwer am Artikel: Maternité Grande-Duchesse Charlotte.
D'Maternité Grande-Duchesse Charlotte gëtt et zënter 1936[2].
,_Kannerklinik.jpg)
Kannerklinick
[änneren | Quelltext änneren]D'Clinique pédiatrique oder Kannerklinick funktionéiert zënter 1966[2].
Clinique d'Eich
[änneren | Quelltext änneren]D'Eecher Klinick ass den 1. Januar 2004 mam CHL fusionéiert[7].
Nei Gebaier
[änneren | Quelltext änneren]Am November 2021 hunn Ofrappaarbechte vum fréiere Gebai vun der Maternité op der Areler Strooss, dat zanter 2015 eidel stoung, ugefaangen. Op déi Plaz kënnt en neit Gebai vum Centre hospitalier; de Grondsteen dofir ass den 22. Februar 2024 geluecht ginn[8]. Dat neit Gebai, dat Enn 2028 operationell soll sinn(Stand: Februar 2024) kritt 476 Better an 18 Operatiounsbléck. De Käschtepunkt gëtt op 821 Milliounen Euro geschat[8][9]. Och d'Aktivitéite vun der Eecher Klinick ginn am neien CHL zentraliséiert.[10]
Et ass och en neit Gebai fir d'Kannerklinick geplangt, wou awer nach net genee gewosst ass, wou et hikomme soll (Stand: Oktober 2023)[9].
Referenzen
[Quelltext änneren]- ↑ 1,0 1,1 Loi du 10 décembre 1975 relative au Centre hospitalier de Luxembourg. legilux.public.lu (19.12.1975). Gekuckt de(n) 30.08.2020.
- ↑ 2,0 2,1 2,2 2,3 2,4 2,5 2,6 2,7 Rapport annuel 2018 um Site vum Spidol
- ↑ 3,0 3,1 3,2 Den CHL op LinkedIn
- ↑ eege Schreifweis vum CHL: KannerKlinik
- ↑ "2018 war fir den CHL e gutt Joer." 100komma7.lu, 17. Juli 2019 - 09:00.
- ↑ (lb)Changement un der Spëtzt vum CHL: Dr Martine Goergen gëtt nei Direktesch. www.rtl.lu. Gekuckt de(n) 18.10.2023.
- ↑ Legilux: Arrêté grand-ducal du 3 octobre 2003 portant intégration et rattachement des services hospitaliers de la Clinique d'Eich, Fondation Norbert Metz, au Centre Hospitalier de Luxembourg
- ↑ 8,0 8,1 (de)Das neue CHL-Hauptgebäude soll 2028 zur Verfügung stehen. luxemburger-wort-online (22.02.2024). Gekuckt de(n) 22.02.2024.
- ↑ 9,0 9,1 (lb)Invité vun der Redaktioun (18. Oktober) - Dr. Martine Goergen: "Et muss nach vill verbessert ginn, mä et gouf och scho vill gemaach". www.rtl.lu. Gekuckt de(n) 18.10.2023.
- ↑ "Al Maternité gëtt ofgerappt: Neit CHL-Gebai bis 2028 operationell." rtl.lu, 04.10.2022.