Ecuador

República del Ecuador Republik Ecuador
Detailer
Offiziell Sprooch:	Spuenesch
Haaptstad:	Quito
Staatsform:	Presidialrepublik
• President:	Daniel Noboa
Fläch:	256.370 km²
Bevëlkerung:	17.483.326 (2023)
Internet TLD:	.ec

D'Anden am Ecuador, mat zwee schnéibedeckte Vulkaner: lénks den Antisana, riets de Cotopaxi, 2004.

D'Republik Ecuador, op Spuenesch República del Ecuador, ass e Staat am Nordweste vu Südamerika tëscht Kolumbien a Peru. Am Weste stéisst Ecuador un de Pazifik

D'Haaptstad Quito läit an den Anden op enger Héicht vun 2.800 Meter, ongeféier 30 km südlech vum Equator.

Wéi den Numm et seet läit Ecuador um Equator, dee gréissten Deel vum Land läit awer südlech dovun.

D'Galápagos-Inselen déi zu Ecuador gehéieren, leien eng ronn 1.000 Kilometer virun der Küst.

Geographie

Geographesch deelt d'Land sech a véier Haaptregiounen op:

• Déi westlech Küstegéigend, déi aus Schwemmland besteet, an aus niddrege Bierger laanscht d'Küst. Duerch d'Küstegéigeng leeft de Río Guayas
• D'Anderegioun, déi aus zwou Gebirgskette (Andekordilleren) besteet mat engem Héichdall dertëscht, wou de Vulkanismus staark ass.
• Dat ëstlecht Amazonas-Déifland, Oriente genannt, op den Osthäng vun den Anden, an dem schwaach besiidelten ieweschten Amazonasbecken
• D'Galápagos-Inselen.

Administrativ Andeelung

 Méi Informatioun doriwwer am Artikel: Provënzen am Ecuador.

De Pëtrol

Ecuador ass zanter dem November 2007 nees an der OPEC

Medien

Am Land gëtt et 11 méi grouss Dageszeitungen; déi gréisst dovun ass Extra.

Sproochen

Déi offiziell Sprooch am Land ass Spuenesch.

Literatur

• Feser, V., 2007. Ecuador, inkl. Galápagos. Michael Müller Verlag, 4. aktualisierte und erweiterte Auflage, 672 S. (Dee warscheinlech beschte Guide fir Ecuador; den Auteur lieft zanter ville Joren zu Quito).

Um Spaweck

Commons: Ecuador – Biller, Videoen oder Audiodateien