Fédération luxembourgeoise des arts martiaux
Fédération luxembourgeoise des arts martiaux | |
---|---|
Ofkierzung | FLAM |
Grënnungsdatum |
22. Oktober 1952 (Asbl 2. August 2006) |
Sëtz |
3, route d'Arlon L - 8009 Strassen |
President | Serge Schaul |
Websäit | http://www.flam.lu/ |
D'Fédération luxembourgeoise des arts martiaux, gekierzt FLAM, ass den nationale Verband vun de Kampfsportveräiner zu Lëtzebuerg.
D'FLAM ass den 22. Oktober 1952 als Fédération luxembourgeoise de judo et de jiu-jitsu gegrënnt an den 2. August 2006 als Asbl registréiert ginn[1]. Se huet hire Sëtz zu Stroossen an ass Member vum COSL.
Den Hall national des arts martiaux ass am Reckendall zu Stroossen.
Geschicht[änneren | Quelltext änneren]
- D'Fédération luxembourgeoise de judo et de jiu-jitsu gouf den 22. Oktober 1952 vun dräi Judo-Clibb (Judo-Club Luxembourg, Club de judo Asahi-Dojo, Judo Club Luxembourg-Limpertsberg) aus der Stad gegrënnt an am Joer drop, de 6. Mee 1953 ass se definitiv e Member vum COSL ginn.
- D'Karate-Sektioun gouf den 3. Oktober 1968 gegrënnt.
- Den Aikido gouf den 19. November 1970 virleefeg an op der Generalversammlung vum 21. Mäerz 1971 definitiv an d'Federatioun opgeholl.
- Den 9. Februar 1972 huet de Verband säin Numm op Fédération luxembourgeoise de judo et des disciplines associées g'ännert.
- Den 20. November 1978 krut d'Federatioun vum Ministère den Agrément fir d'Disziplinne Judo, Karate an Aikido ze reegelen; d'Federatioun krut de Status als Utilité publique
- Den Taekwondo ass den 30. Abrëll 1981 als nei Disziplin ugeholl ginn.
- Am November 1985 huet sech de Verband a Fédération luxembourgeoise de judo, karaté et arts martiaux associés ëmgenannt.
- 1988 koum de Kung Fu als nei Disziplin bäi.
- Fir allen Disziplinne Rechnung ze droen, ass am Februar 1990 den haitegen Numm Fédération luxembourgeoise des arts martiaux (FLAM) agefouert ginn
- 1992 goufen dräi nei Disziplinnen zougelooss: Selbstverdeedegung, Savat (just fir ee Joer) a Kendo.
- 1993 gouf Yoseikan Budo zougelooss.
- An den 2010er Jore koumen nach follgend Disziplinne bäi:
- 2011: brasilianesche Jiu-Jitsu
- 2012: Martial Arts, Lapunti Arnis de Abanico a Wing Tsun.
- 2013: Krav Maga, Muay Thai, Kickboxen an Hapkido.
- 2014: Thai Chi
- 2015: Capoeira, Hwarang-Do an Tae Soo Do
- 2016: Kyūdō
- 2017: Aikibudo an Tenshin Shōden Katori Shintō-ryū
- 2019: Aiki-jūjutsu
Organisatioun[änneren | Quelltext änneren]
Presidenten[änneren | Quelltext änneren]
De President vun der FLAM ass zënter 2018 de Serge Schaul.
Fréier Presidenten[änneren | Quelltext änneren]
- 1952-1953: Félix Arend
- 1953-1954: Robert Widong
- 1954-1958: Félix Arend
- 1958-1959: Nic. Kneip
- 1959-1988: Albert Conter
- 1988-1998: Martin Resch
- 998-2014: Roland Lenert
- 2014-2018: Fred Bertinelli
Membere vun der FLAM[änneren | Quelltext änneren]
Et si wäit iwwer honnert Veräiner bei der FLAM affiliéiert. Eng komplett Lëscht fënnt een op der Internetsäit vun der Federatioun.
Um Spaweck[änneren | Quelltext änneren]
Referenzen an Notten[Quelltext änneren]
- ↑ Am Handelsregëster (lbr.lu) ënner der Nummer F3797 agedroen