FC Mamer 32

FC Mamer 32

Offiziellen Numm:

Football Club Mamer 32

Veräinsfaarwen:

Rout-Wäiss

Grënnung:

1932

Stadion:

Stade Francois Trausch,
Mamer

Plazen:

1 750

President:

Guy Dauphin

Trainer:

Patrick Biergen

Liga:

Éierepromotioun

Saison:

2022/23

Positioun:

7. Plaz

Éischt Uniform

Zweet Uniform

Ersatzuniform

Den FC Mamer 32 (F.C. Mamer 32) ass e lëtzebuergesche Foussballclub vu Mamer. De Veräi gouf 1932 als Jeunesse Mamer gegrënnt. Den Numm gouf awer schonn d'Joer drop, 1933, op deen haitege geännert.

Mamer huet nieft de Seniorsekippe vun de Männer och eng Fraenekipp.

Chronologeschen Iwwerbléck[änneren | Quelltext änneren]

1932: Den FC Mamer 32 gëtt gegrënnt
1956: Avancement an d'Promotioun, déi zweethéchst Spillklass zu där Zäit
1967: Grënnung vum Supporterclub 67
1968: Champion an der 3. Divisioun an Avancement an 2. Divisioun
1971: Champion an der 2. Divisioun an Avancement an 1. Divisioun ënner dem Spillertrainer Roland Christen. Erreeche vun der Siechzéngtelsfinall vun der Coupe de Luxembourg géint de Lëtzebuerger Rekordmeeschter Jeunesse Esch.
1976: Aweiung vum neien Terrain mat engem Galamatch tëscht dem Bundesligist FC Saarbrécken an der Red Boys Déifferdeng. Den Terrain gouf méi spéit op den Numm Stade Francois Trausch, Grënnungsmember a fréiere Buergermeeschter, gedeeft.
1977: Champion an der 2. Divisioun an Avancement an 1. Divisioun, wou se sech dräi Joer hale konnten.
1982: Fofzegjäregt Bestoe mat Fändelswei. Ofstig an 3. Divisioun
1983: Erëm an 2. Divisioun geklommen.
1986: Grënnung vun enger Veteranenekipp
1987: Definitiv Grënnung vun enger Jugendkommissioun
1992: Avancement an 1. Divisioun wou d'Ekipp sech etabléiere konnt
1994: Aweiung vun der neier gedeckter Tribün
1995: Trophée Fair-Play vun der 1. Divisioun
1998: Grënnung vun der Dammenekipp
2000: Champion an der 1. Divisioun an éischten Avancement an d'Éierepromotioun, aus där de Veräin no där Saison erëm gefall ass.
2002: Trophée Fair-Play vun der 1. Divisioun
2004: Aweiung vum neie syntheeteschen zweete Foussballsterrain, deen op den Numm Georges Schumann gedeeft gouf
2005: Champion an der 1. Divisioun an zweeten Avancement an d'Éierepromotioun
2005: 1. Titel an der Veräinsgeschicht - D'Dammenekipp vum F.C. Mamer 32 gewënnt d'Coupe de Luxembourg
2006: Duerch e 4:3 beim Eelefmeterschéisse géint Rëmeleng zu Schëffleng virun 1 000 Spectateure. Den FC Mamer spillt 2007 an der Nationaldivisioun. D'Dammenekipp mécht den Doublé (Champion a Coupe)
2007: D'éischt Seniorsekipp fält nees an d'Éierepromotioun; zweeten Doublé fir d'Dammen