FK5
Den FK5 (Fifth Fundamental Catalogue) ass dee fënnefte vun de sechs Fundamentalkatalogen. En definéiert bis ronn 2010 dat himmlescht Koordinatesystem.
De Katalog déngt der Astronomie an der Geodesie zanter 1988 als déi geneest Realiséierung vun engem Bezuchssystem fir d'Koordinate Rektaszensioun (ofgekierzt RA oder α) an Deklinatioun (ofgekierzt Dec oder δ). Mat senge Basiskonstanten ass hien och e prezise Modell fir Aufgaben am Planéitesystem, souwéi als Inertialsystem fir extragalaktesch Astronomie.
Den FK5 huet 1535 Fundamentalstären (d. h. op d'mannst 0,05" genee vermoosse Stären) an 3.117 Supplementstären opgelëscht (vergréissert, publ. 1991). Dës Stäreplaze ginn aus Dosende Virgänger-Kataloge ermëttelt, souwéi mat neie relativen an absolutte Methode vun der Astrometrie. D'Miessunge vu verschiddenen Epochen goufen op zwou vereenegt Null-Epochen 1950,0 an 2000,0 transforméiert.
Déi 1.535 Stäre ginn op de Virgängerkatalog FK4 (Heidelberg 1963), an op weider 3.115, eppes manner genee bestëmmt Stären zeréck. Zesumme hue si eng bal homogeen Verdeelung a Genauegkeet (besser wéi 0,05") iwwer de ganzen Himmel.
Am System sinn och genee Eegebeweegunge vun all Stär dran. Si berouen deelweis op Miessungen déi bis 100 Joer zeréckginn, soudatt d'Positiounen e puer Joerzéngter an d'Zukunft an an d'Vergaangenheet ëmgerechent kënne ginn.
Si bezéie sech mat grousser Prezisioun op en Inertialsystem. Et huet misse beim Iwwergank vum FK4 nëmmen ëm ongeféier 0,01 Sekonne geännert ginn.
Déi follgend Tabell weist e puer Kennwäerter vum FK5, seng zwéi Virgänger FK3 an FK4, souwéi vum satellittegestëtzten (relativen) Hipparcos-Katalog:
| Kuerznumm | Stärenzuel | Offiziellen Numm | publ. Joer | Miessung | |
|---|---|---|---|---|---|
| Plazen | Eegebeweegungen | ||||
| FK3 | 873 | Drëtte Fundamentalkatalog | 1937 | 1912–15 | |
| FK3sup | +662 | (Zousazstären, Band II) | 1938 | Ø 1913 | 1845–1930 |
| FK4 | 1535 | Fourth Fundamental Catalogue | 1963 | Ø 1950 | |
| FK4sup | 1111 | Supplement Stars FK4/5 | ~1965 | ||
| FK5 | 1535 | Fifth Fundamental Catalogue | 1988 | Ø 1975 | |
| FK5sup | 3117 | Supplement Stars of FK5 | 1991 | ||
| Hipp. | 118000 | Hipparcos-Katalog | 1998 | 1989–93 | 1989–1993 |
--> Zu der Tabell uewen:
Den Hipparcos- ass kee Fundamentalkatalog am strenge Sënn, mä gouf nëmmen dem FK5-System genee ugepasst.