Federico García Lorca

Vu Wikipedia
Wiesselen op: Navigatioun, sichen
De García Lorca (1934).
De García Lorca (1914).

De Federico del Sagrado Corazón de Jesús García Lorca, gebuer de 5. Juni 1898 zu Fuente Vaqueros, an der Provënz Granada a Spuenien, a gestuerwen den 19. August 1936 bei Alfacar, Provënz Granada, war e spueneschen Dichter, Theaterauteur an Theaterdirekter. Hien zielt zu de bedeitendste spuenesche Schrëftsteller vum 20. Joerhonnert, war ee vun den emblematesche Membere vun der Generación del 27, an ass haut virun allem fir seng Theaterstécker bekannt, absënns fir seng Trilogie Bodas de sangre, Yerma a La casa de Bernarda Alba.

Säin éischt literarescht Wierk war Libro de poemas a säin éischt Theaterstéck Mariana Pineda (1928). Ausserdem huet e Romancero gitano (1928), Poemas del Cante Jondo (1931) a Llanto por Ignacio Sánchez Mejías (1935) publizéiert.

Während dem Spuenesche Biergerkrich gouf hien ënner bis haut net gekläerten Ëmstänn vu Membere vun der nationalistescher Falange exekutéiert.[1]

Um Spaweck[änneren | Quelltext änneren]

Commons: Federico García Lorca – Biller, Videoen oder Audiodateien

Referenzen[Quelltext änneren]

  1. Ian Gibson, The Assassination of Federico García Lorca. Penguin (1983) ISBN 0-14-006473-7; José Luis Vila-San-Juan, García Lorca, Asesinado: Toda la verdad Barcelona, Editorial Planeta (1975) ISBN 84-320-5610-3