Fernand Neuray
De Fernand Neuray, gebuer am Mee 1887 zu Étalle (belsch Provënz Lëtzebuerg), a gestuerwen am Mäerz 1934 a Griicheland, war e belsche Journalist.
Liewen a Wierk[änneren | Quelltext änneren]
1914 gouf de Fernand Neuray Chefredakter vun der kathoulesch-konservativer Zeitung Le Vingtième Siècle. Hien huet do mat deem bekennenden Antisemit[1], an 1947 verurteelten Nazikollaborateur, Abbé Norbert Wallez, zesummegeschafft.
Wärend dem Éischte Weltkrich war de Fernand Neuray zu Le Havre, no bei der belscher Exilregierung, déi sech op Sainte-Adresse zeréckgezunn hat. Do huet hie seng publizistesch Aktivitéite fortgeféiert an och mam Pierre Nothomb a mam Gaston Barbanson un den Zukunftspläng fir d'Belsch geschafft. Ënner anerem sollt de ganze Grand-Duché vun der Belsch annektéiert ginn.
Am Mäerz 1918 huet de Fernand Neuray d'Zeitung La Nation belge gegrënnt an duerno dirigéiert.
Hien ass 1934 wärend enger Rees a Griicheland gestuerwen a krut doheem quasi e Staatsbegriefnes organiséiert.
Publikatiounen[änneren | Quelltext änneren]
Literatur[änneren | Quelltext änneren]
Referenzen[Quelltext änneren]
- ↑ Morelli, Anne Les grands mythes de l'histoire de Belgique de Flandre et de Wallonie, Evo-histoire, Bréissel, 1995, S.283