First-H

First-H
Museksgenre	Blues-Funk
Land	Lëtzebuerg
Grënnung	1994
Memberen	Fränz Meisch (Gesank) Daniel Fastro (Bass) René Macri (Bass) Joël Heyard (Batterie) Sacha Heck (Kyboard) Laurent Biel (Keyboard) Remo Cavallini (Gittar)

First-H war eng lëtzebuergesch Museksgrupp vun Déifferdeng.

Bandgeschicht

First-H gouf 1994 gegrënnt. Membere waren de Sänger Fränz Meisch, d'Bassisten Daniel Fastro a René Macri, den Drummer Joël Heyard, d'Keyboardiste Sacha Heck a Laurent Biel an de Gittarist Remo Cavallini. Si hunn 1996 en Newcomer-Contest vun Eldoradio gewonnen a sinn als Virband vun Toto zu Déifferdeng an am November 1996 vu Bon Jovi zu Beetebuerg opgetrueden.

Mëtt der 1990er huet First-H Lidder zu de Kompilatiounen Mac Attack a Rock um Knuedler bäigedroen an am Januar 1998 de Studiosalbum Hey Momo erausbruecht, deen zu Leideleng opgeholl gi war. Den Extrait Thousand Years ass op de Lëtzebuerger Radiostatioune gelaf.

2000 huet d'Grupp nach d'CD Bring It Back verëffentlecht a fir d'Kompilatioun Planet Lëtzebuerg d'Lidd A wann et reent... opgeholl.

Album

• 1998: Hey Momo

Single (op CD)

• 2000: Bring It Back

Um Spaweck

• Homepage: homepage.internet.lu/first-h (net méi aktualiséiert zanter op d'mannst 2001)
• First-H op Rate Your Music