Foussgängerbréck zu Iechternach

D'Foussgängerbréck vun Iechternach ass eng Grenzbréck iwwer d'Sauer. Si verbënnt Iechternach mat Fölkenbach an Däitschland.

Et ass eng Plackendunnebréck an huet eng Längt vun 82 m.

D'Dunn déi d'Bréck dréit ass 2 m breet, an den Tablier aus virgespaantem Bëtong ass 1 m déck. D'Bréck huet dräi Felder mat follgende Moossen: 23,00 m - 36,00 m - 23,00 m.

Se gouf 1974 an der Zäit vun 200 Deeg gebaut, a si gëtt vun der Vereinigung Deutsch-Luxemburgischer Natupark ënnerhalen. D'Bréck hat deemools 301.050 DM kascht. D'Land Rheinland-Pfalz hat 60 % dovun iwwerholl. Den Äifelkrees Béibreg-Prüm hat zesumme mat der Gemeng Iechternacherbréck 10 % iwwerholl, an de Rescht gouf vum Lëtzebuerger Staat, der Gemeng Iechternach an dem Iechternacher Verschéinerungsveräin zu gläichen Deeler bezuelt.

Kuckt och

Lëscht vun däitsch-lëtzebuergesche Grenzbrécken

Literatur

Weber, Heinrich Theodor, 1997. - Brücken über die deutsch-luxemburgische Grenze. Gollenstein, Blieskastel. ISBN 3-930008-61-0

Artikelen an der Press

Trierische Landeszeitung Nr. 157 vum 10.07.1973
Luxemburger Wort Nr. 266 vum 21.11.1974