Fraestreik

E Fraestreik ass eng organiséiert Ënnerbriechung vun der Aarbecht vun de Fraen, fir op systematesch oder strukturell Problemer opmierksam ze maachen a fir domat entspriechend politesch Ziler duerchzesetzen.

En ass net ze verwiessele mam Sexstreik oder engem Streik am Sënn vun engem Aarbechtskampf.

Fraestreik zu Lëtzebuerg

Zu Lëtzebuerg ass de 7. Mäerz 2020 den éischte Fraestreik ënner dem Motto “Who cares? We care!” organiséiert ginn. Am Mëttelpunkt vum Streik stoung déi ongläich Verdeelung vun der Care-Aarbecht, also der Aarbecht am Stot, absënns fir sech ëm Kanner oder eeler Leit ze këmmeren oder se ze fleegen. An der haiteger Gesellschaft sinn et ëmmer nach haaptsächlech d'Fraen^[1], déi sech gréisstendeels ëm reproduktiv Aktivitéite wéi de Stot, d'Fleeg, d'Erzéiung asw. këmmeren. All Frae goufen opgeruff, deen Dag d'Aarbecht (symbolesch) néierzeleeën an zesummen op d'Strooss ze goen, fir op déi netbezuelt Aarbecht opmierksam ze maachen.

Um internationale Fraendag, den 8. Mäerz 2021, sinn nees iwwer 1000 Leit ënner dem Motto “We still care” op d'Strooss gaange fir op d'Benodeelegung vun de Fraen – absënns vun de Frae mat enger anerer Hautfaarf (Women of Colour) oder de queer Fraen – opmierksam ze maachen. D'Organisatricen hunn ausserdeem dorop higewisen, datt am Kader vun der Covid-19-Pandemie d'Ongläichheeten tëscht de Geschlechter nach eng Kéier verschäerft géifen.

Um Fraendag 2022, den 8. Mäerz, ass e Cortège vun der Stater Gare bis op d'Plëss virgesinn. D'Revendicatioune vum Fraestreik 2022 sinn: