François Mergen

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.

De François Mergen, gebuer 1925 zu Réiden als Bouf vum déizäitegen Apdikter, a gestuerwen de 26. Juni 1989 zu Crystal Rivers, Florida [1], war e lëtzebuergesche Bësch-Spezialist an Expert. Hie war Dekan vun der School of Forestry op der Yale-Universitéit an den USA.

Am Zweete Weltkrich war de François Mergen Resistenzler. Hie gouf a Prisongen a Lagere gestach, konnt awer fortlafen a sech an England duerchschloen, wou e Liaisouns-Offizéier am Generol Dwight E. Eisenhower sengem Quartier général gouf.[2] Nom Krich huet hie fir d'War Crimes Commission geschafft.[3]

Hien huet spéider op der University of New Brunswick a Kanada studéiert an op der Yale Universitéit e Master's degree an en Doktorat gemaach. 1954 ass hien op der Yale-Universitéit agestallt ginn, a war do vun 1965 bis 1975 Dekan vun der Forestry school. Déi huet sech ënner senger Leedung op Ëmwelt-Studië spezialiséiert.[2]

Hie krut eng sëllechen Auszeechnungen, dorënner de Barrington Moore Memorial Award vun der Society of American Foresters fir remarkabel Performanzen an der biologescher Fuerschung.[2]

Hien huet vill publizéiert, an och an den 1980er Joren en Avis ofginn iwwer d'Auswierkunge vum sougenannte Sauere Reen op déi lëtzebuergesch Bëscher.

De François Mergen ass un enger Liewerschwächt gestuerwen, déi op eng Ustiechung vun Hepatitis, an engem Nazi-Konzentratiounslager, zréckgoung.[2]

Publikatiounen (Auswiel)[änneren | Quelltext änneren]

  • Mergen, François: Tropical forestry - a challenge to the profession of forestry, 1983, Yale university, school of forestry
  • Mergen, Francois: Forestry Research: A Provisional Global Inventory, Mee 1986. (42 S.)

Referenzen[Quelltext änneren]

  1. "Obituaries: Francois Mergen, 64, Ex-Teacher." New York Times, 28 June, 1989.
  2. 2,0 2,1 2,2 2,3 "Obituaries ..." wéi uewen.
  3. "Fracois Mergen, forest geneticist." St. Petersburg Times, 28. Juni 1989, S. 7B.