Gotescht Haus Iechternach

Vu Wikipedia
Op d'Navigatioun wiesselen Op d'Siche wiesselen
Gotescht Haus
D'gotescht Haus.
Geographie
Land Flag of Luxembourg.svg Lëtzebuerg
Regioun Kleng Lëtzebuerger Schwäiz
Stad Iechternach
Geographesch Lag 49° 48’ 45’’ N
06° 25’ 04’’ O
Baujoer 14. Joerhonnert
Kategorien
National Monumenter Iechternach

Dat sougenannt Gotescht Haus zu Iechternach ass e Gebai, deem seng Originnen an d'14. Joerhonnert zréckginn.

Dendochronologesch Analyse vun de Plafongsdunne beleeën, datt se vu Beem sinn, déi 1299 gehae goufen. Opfälleg sinn d'gotesch Fënstere mat Dräipass am Giewel, déi typesch fir hir Zäit sinn.

1996 war d'Haus deelweis an e Koup gefall, ma et gouf restauréiert, woubäi de Giewel sou gelooss gouf, datt Deeler, déi eng Kéier ewechgemaach goufen, net nees nei nogebaut goufen.

D'Haus gëtt als Vakanzewunneng verlount.

Den 2. Mäerz 2018 gouf d'gotescht Haus als nationaalt Monument klasséiert.[1]

Referenzen[Quelltext änneren]

  1. Service des Sites et Monuments Nationaux: Liste des immeubles et objets bénéficiant d'une protection nationale (Lescht Versioun vum 19. September 2018).