Green Arrow

Vu Wikipedia
Op d'Navigatioun wiesselen Op d'Siche wiesselen
Green Arrow
Green and Red Arrows Comic Con.jpg
Green Arrow a Red Arrow op enger Comic Con 2008
Createur Mort Weisinger, George Papp
Ass en(g) Superheld
Geschlecht männlech
Aktivitéit Entreprener, Superheld
Famill
Bestuet mat Black Canary, Felicity Smoak
Liewenspartner(in) Felicity Smoak, Laurel Lance, Sara Lance, Shado
Geschwëster Emiko Queen, Speedy
Kanner William Clayton, Connor Hawke
Universum
Aus DC-Universum
Present am Injustice: Gods Among Us,
Injustice 2,
Justice League Unlimited,
Batman: The Brave and the Bold
Wikidata-logo-without-paddings.svg

De Green Arrow (englesch fir „Grénge Feil“) ass eng Comicfigur an e Superheld vun DC Comics. Seng Createure sinn de Mort Weisinger an den George Papp. Den Held daucht fir d'éischt Kéier am More Fun Comics #73 vun 1941 op.

De Green Arrow op der ComicCon vun 2014 zu New York

Biografie[änneren | Quelltext änneren]

De Green Arrow huet, wéi all Superheld, eng geheim Identitéit fir sech selwer, seng Famill a Frënn ze beschützen. Ënner dem Kostüm vum Green Arrow verstoppt sech de Milliardär Oliver Queen. Hie gëtt als e räiche Playboy duergestallt, deen nëmmen u Fraen an u Partyen Intressi fënnt, bis datt hien op enger verloossener Insel naufragéiert. Op sech eleng gestallt a well hie geséit, datt keng Hoffnung besteet, datt hien de Wee zréck fir heem fënnt, decidéiert den Oliver ze kämpfen, fir z'iwwerliewen.

Hien developpéiert nei Kampfaarte fir sech ze verdeedegen an hie léiert mam Bou ëmzegoen, wat herno seng gréisst Fäegkeet gëtt. Hien ass schliisslech fënnef Joer op der Insel vu Star Fish.

No deene fënnef Joer, kënnt den Oliver zréck a seng Heemechtsstad Starling City an decidéiert fir d'Bewunner vu Starling City ënnert dem Numm Green Arrow ze beschützen.

Spéiderhi kämpft de Green Arrow op der Säit vum jonke Roy Harper (Speedy genannt). Méi spéit iwwerhëlt de Roy méi Verantwortung a léisst sech Arsenal nennen, fir schlussendlech dono sengem Mentor ze gläichen a sech Red Arrow ze nennen.

Am Laf vun de Joren huet de Green Arrow eng Bezéiung mam Dinah Lance, och bekannt als Black Canary. Déi zwee si fir e puer Joer Membere vun der Justice League of America.

Fir eng laang Zäit gëtt de Green Arrow mam Batman verglach, well si Villes gemeinsam hunn. Déi zwéi si Milliardären an de Green Arrow huet wéi de Batman eng Arrowcave an een Arrowmobile.

Nodeems den Oliver säi Vermiechtnes a säi Geld verléiert an nodeems säi Partner, de Roy Harper, den Droge verfält, verännert sech dem Oliver seng Siichtweis op d'Welt. De Superheld fänkt un aner Methoden unzewenden a gëtt méi aggressiv géigeniwwer senge Feinden. Doropshi gëtt de Green Arrow den düsterste Superheld aus den DC Comics.

Alias Oliver Queen
Createur Mort Weisinger

George Papp

Geschlecht männlech
Aktivitéit Businessmann vu Queen Consolidated
Gebuer Starling City
Aus DC Comics

Ursprong[änneren | Quelltext änneren]

De Green Arrow erschéngt fir déi éischte Kéier am More Fun Comics Nummer 73 mat sengem Partner Speedy am November 1941. D'Iddi vum Green Arrow entwéckelt de Mort Weisinger an d'Illustratioune gi vum Kënschtler George Papp gezeechent. Fir de Green Arrow auszebilden, léisst sech de Schrëftsteller ënnert anerem vum Robin Hood inspiréieren a vum Roman The Green Archer, geschriwwe vum Edgar Wallace. De Green Arrow gläicht a ville Punkten och dem Batman, notamment well hie wéi de Batman en Arrowmobile an eng Arrowcave besëtzt. Spéiderhin taucht de Green Arrow an der Serie vun den Adventure Comics op. Dëst vun 1946 bis 1960.

D'Figur vum Green Arrow kennt e grousse Succès no dem Golden Age of Comic Books. 1958 iwwerhuelen zwéin nei Auteuren d'Figuren an zwar den Dick an den Dave Wood. Ausserdeem zeechent och en neie Kënschtler den Arrow: Den Jack Kirby. Am Joer 1969 gëtt d'Ausgesi vum Green Arrow verännert. Dëst duerch d'Handaarbecht vum Schrëftsteller Neal Adams. De Green Arrow kritt en neie Kostüm a sengem eegenen Design zougesat. An de fréie 70er Jore kämpft de Green Arrow un der Säit vum Green Lantern an enger Rei vu Serien, kreéiert vum Neal Adams a vum Dennis O'Neil.

No e puer Joren un der Säit vum Green Lantern erschéngt de Green Arrow eleng am Action Comics #421. Ab do iwwerhëlt den Elliot S. Maggin d'Geschichte vum Superheld. Am Joer 1983 triet de Green Arrow fir déi éischte Kéier a sengem eegene Comic-Buch op. Doropshin iwwerhëlt de Mike Grell d'Geschicht vum Green Arrow weider, deen ab 1987 Green Arrow: The Longbow Hunters heescht. De Green Arrow stierft am Comic No 101 vun der Serie. Nom Dout vum Oliver Queen, dem Alter Ego vum Green Arrow, taucht en neie Green Arrow op, dee vum Connor Hawke, dem verluerene Jong vum Oliver, verkierpert gëtt.

Ufanks den 2000er Joren bréngen de Kevin Smith an de Phil Hester den Oliver Queen zréck. Den Held gëtt vu sengem fréiere Kolleeg Hal Jordan zum Liewen erwächt.

Fäegkeeten[änneren | Quelltext änneren]

De Green Arrow besëtzt keng Superkräften. Hie kämpft eleng mat sengem Bou an e puer Gadgeten. Seng Fäiler, déi hie verwennt, besëtze veschidde Qualitéiten. Ee Fäil zum Beispill ass ee Boomerang-Fäil oder een anere Fäil déngt als Bomm.

Säi jorelaangen Training op der Insel hunn him déi néideg Fäegkeete ginn, fir géint seng Feinden ze kämpfen.

An de Medien[änneren | Quelltext änneren]

  •  De Green Arrow erschéngt an der Serie Smallville, enger Serie, déi sech em d'Jugend vum Superman dréint. De Schauspiller Justin Hartley spillt d'Roll vum Superheld.
De Stephen Amell alias de Green Arrow an der Serie Arrow
  •  Zënter 2012 gëtt op The CW d'Serie Arrow, déi eleng vun der Geschicht vum Oliver Queen alias Green Arrow handelt, gewisen. D'Serie u sech presentéiert e puer Differenzen géigeniwwer vun de Comicbicher. An der Serie Arrow taucht den Oliver Queen erëm a Starling City op, nodeems hie fënnef Joer op der fiktiver Insel Lian Yu verscholle war. Den Ënnerscheed an der Serie ass awer, datt den Oliver mat sengem Papp Naufrage gemaach huet. Säi Papp, de Robert Queen, huet sech fir säi Jong geaffert. Dat Affer déngt dem Oliver als neit Zil. Hie kënnt zréck a Starling City als Verfechter vun der Gerechtegkeet, deen all déi Kriminell, déi géint seng Stad agéieren, bekämpft. Wouhier och säi bekannt Zitat „You have failed this city“ kënnt. De Personnage vum Green Arrow gëtt vum Schauspiller Stephen Amell gespillt. Niewebäi spillt de Stephen Amell als Green Arrow och a Spin-Off-Serie wéi The Flash (Barry Allen), Legends of Tomorrow a Supergirl.

Referenzen[änneren | Quelltext änneren]