Hendrik van Gent
| Hendrik van Gent | |
|---|---|
| Gebuer |
14. September 1900 Rotterdam |
| Gestuerwen |
29. Mäerz 1947 Amsterdam |
| Nationalitéit | Kinnekräich vun den Nidderlanden |
| Educatioun | Universitéit vu Leiden |
| Aktivitéit | Astronom |
 | |
Den Hendrik van Gent, gebuer 1900, a gestuerwen den 29. Mäerz 1947 zu Amsterdam, war en hollänneschen Astronom.
Hien huet mat sengen Observatiounen um Observatoire vu Leiden an Holland ugefaangen, goung awer no kuerzer Zäit a Südafrika, wou hie laang um Union-Observatoire zu Johannesburg geschafft huet, fir de südleche Stärenhimmel besser erfuerschen ze kënnen.
Hien huet do Enn vun den 20er Joren an Ufanks vun den 30er Joren, 39 Asteroiden entdeckt, dorënner och deen no him genannten Asteroid (1666) Van Gent.
Doriwwer eraus war hie Mat-Entdecker vun 3 Koméiten: den C/1941 K1 (van Gent), den C/1943 W1 (van Gent-Peltier-Damaica) an den C/1944 K2 (van Gent).
De van Gent ass jonk un engem Häerzinfarkt gestuerwen.