Hotel Walsheim

Geographesch Koordinaten:

49° 35’ 59.8’’ N 6° 07’ 58.7’’ O

De Walsheim oder och nach Anvers-Walsheim war en Hotel vis-à-vis vun der Gare an der Stad Lëtzebuerg.

Historesches

Den Hotel deen der Famill Christen gehéiert huet, hat 1938 12 Zëmmeren; um Rez-de-chaussée war den Trois-Quatre, e Café mat engem Danz- a Festsall.

D'Clientèle vum Hotel waren haaptsächlech Véihändler.

Eng Zäit laang gouf den Hotel ënner dem Numm Excelsior gefouert, dëst an Erënnerung un en Hotel mat deem Numm, deen ëm 1930 an der Neipperg-Strooss existéiert hat.

Méi spéit gouf den Hotelbetrib agestallt an de Walsheim bestoung just nach als Brasserie.

Gebai

De Walsheim ass ëm 2010 ofgerappt gi fir duerch e Geschäfts- a Bürosgebai ersat ze ginn, dat vum Architektebüro TetrArchitecture geplangt gouf.

Literatur

• Christian Aschman, Joanna Grodecki, Robert L. Philippart Lëtzebuerg moderne: Liebeserklärung an die Hauptstadt Säit 210, Édition Maison Moderne, 2013, ISBN 978-99959-33-07-4