Interlaken

Interlaken

Land

Schwäiz

Kanton

Bern (BE)

Arrondissement

Interlaken-Oberhasli

Postcode

3800

Koordinaten

46° 41’ 05’’ N
07° 51’ 10’’ O

Fläch

440 ha

Héicht

568 M.i.M

Bevëlkerung

5.206

(2005)

Interlaken ass eng Uertschaft a Gemeng am Kanton Bern (Schwäiz) an Haaptuertschaft vum Arrondissement Interlaken-Oberhasli. Bis 1891 huet d'Gemeng Aarmühle geheescht. Si krut dann hiren Numm vun haut. Well si am Bödeli tëscht dem Thunerséi an dem Brienzerséi läit gouf aus hirer geographescher Lag hiren Numm vum laténgeschen inter (tëscht) - a lacus (Séi) ofgeleet.

Geschicht

Ëm 1130 gouf d'Klouschter vun Interlaken vum Augustineruerde gegrënnt a koum 1133 ënner d'Protektorat vum Keeser Lothar III. 1224 gouf d'Klouschter vun der jonger Stad Bern ënner hir Fitteche geholl. 1528 koum Interlaken bei de Kanton Bern.

Ëm 1800 gouf déi fantastesch Biergwelt rondrëm vu Reesenden aus der Friemd entdeckt an och vun hinne beschriwwen, virun allem vum Johann Wolfgang von Goethe, Lord Byron a Felix Mendelssohn Bartholdy. An der zweeter Hallschent vum 19. Joerhonnert huet Interlake sech dunn zu engem Touristenzentrum entwéckelt. Dozou huet och spéider de Bau vun de Berner Oberland-Bunnen op Lauterbrunnen a Grindelwald 1890 a vun der Jungfraubahn 1912, bäigedroen.

Eng Roll an der touristescher Entwécklung hunn och d'Tellspiller gespillt, déi an den Nopeschgemenge Wilderswil a Matten bei Interlaken opgefouert ginn.

Kuckeswäertes

Ausfluch op Grindelwald
Ausfluch op Wengen
Ausfluch op Mürren
Ausfluch mat der Biergbunn op d'Schynnige Platte
Ausfluch mat der Biergbunn op d'Jungfrau
Ausfluch mam Schëff op Thun a Brienz

Um Spaweck

Commons: Interlaken – Biller, Videoen oder Audiodateien