Invasioun vun der Normandie

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Invasioun vun der Normandie oder och Schluecht vun der Normandie war eng vun der grousse Schluechten am Zweete Weltkrich. Si huet sech am Kader vun der Operatioun Overlord tëscht dem 6. Juni 1944, dem Ufank vum Debarquement (Operatioun Neptun) an Enn August, dem Réckzuch vun den däitschen Truppen iwwer d'Seine, ofgespillt. Si huet den Alliéierten et erlaabt eng nei Front a Westeuropa opzemaachen, fir vun do aus um Buedem d'Drëtt Räich ze bekämpfen.

Déi Schluecht war déi gréisst logistesch Operatioun mat engem Debarquement déi jee realiséiert gouf. Eng ronn dräi Milliounen Zaldoten, haaptsächlech US-Amerikaner, Britten, Kanadier, Australier an Neiséilänner mä och aner alliéiert Truppen, wéi d'Forces françaises libres, d'Polnesch Westarméi, déi belsch Brigade Piron, Tschechen, Hollänner an norwegesch Resistenzler koumen iwwer den Äermelkanal fir an der Normandie u Land ze goen, dovun eleng 150.000 Stéck den éischten Dag.

Virgeschicht

1942 gouf et schonn zwee Debarquementer an zwar um Cap Barfleur de 14. a 15. August an zu Dieppe den 18. an 19. August. Déi Expeditioune vu kanadesche Kommandotruppe waren als Diversioun geduecht fir d'Truppe vun der Wehrmacht déi den Hitler an Afrika an op der Ostfront gebraucht huet, eng Zäitchen do festzeneelen. Déi Operatiounen déi een als Echec kéint ugesinn haten allerdéngs zwéi grouss Avantagë mat sech bruecht; den Erfolleg vum alliéierten Debarquement an Afrika an een zevill grousst Vertrauen vun der Wehrmacht an hir Verdeedegungslinn am Westen, souwéi hir Iwwerzeegung datt an Zukunkft en Debarquement an der Basse-Normandie onméiglech wier.

 Méi Informatioun doriwwer am Artikel: Raid vun Dieppe.

Oflaf

Am Ganze sinn op enger Küstelängt vun 80 Kilometer dräi Divisioune vu Loftlandetruppen a fënnef Divisiounen vu Schëffslandetruppen den éischten Dag um Kontinent gelant.