Johny Fritz

De Johny Fritz, gebuer 1944 zu Uespelt, ass e lëtzebuergesche Museker, Professer a Komponist.

Hien huet säi Studium um Conservatoire vun Nanzeg a vu Bréissel gemaach (Klarinett). Bis 2005 war hie Professer fir Klarinett, Blockflütt a Kammermusek um Conservatoire vun der Stad Lëtzebuerg.

Hien ass Direktor vum Musek-Ensembel fir mëttelalterlech Musek Tempus est iocundum.

De Johny Fritz huet verschidde Wierker fir Orchester, Kammermusek a Solowierker geschriwwen. Seng Kompositioune si vu villen, lëtzebuergeschen an auslänneschen, Ensembele gespillt ginn.

Kompositiounen

Orchesterwierker

• Concerto pour orchestre (1980-83)
• Konzertstück für Tuba

Kammermusek

• Drei Skizzen (1967) fir Klarinett solo
• Vier Stücke (1975/76) fir Blockflütt a Piano
• Trois pièces à la manière de... (1977) fir Blockflütt a Piano
• Quintette (1978/79) fir dräi Blockflütt a zwee Klarinetten
• Mouvement (1979/1980) fir Sträicher a Perkussioun
• Sinfonia in percussione no. 1 (1984)

Vokalmusek

• Trois poèmes d'amour (2000) fir Sopran, Flütt a Harf

Kuckt och

• Lëscht vu lëtzebuergesche Komponisten