Kierch Diänjen

Kierch vun Diänjen
Kierch vun Diänjen (2014) Kierch vun Diänjen (2014)
Uertschaft / Plaz	Diänjen
Par	Wëntger Sainte-Famille
Dekanat	Norden
Numm / Patréiner	Hl. Johannes
Konsekratioun	1721
Baujoer	1718
Koordinaten	50° 03’ 43.6’’ N       05° 57’ 17.2’’ O
Kierchen - Kapellen

D'Kierch zu Diänjen ass eng kathoulesch Kierch, déi zur Par Wëntger Sainte-Famille, zum Dekanat Norden an zu der Gemeng Wëntger gehéiert.

De Patréiner vun der Kierch ass den hellege Johannes den Deefer, deem säi Fest de 24. Juni gefeiert gëtt.

D'Kierch steet am nërdlechen Deel vun der Uertschaft. Ronderëm d'Kierch ass de Kierfecht ugeluecht.

Geschicht

D'Kierch gouf 1718 ënner dem Paschtouer Joannes Baltus gebaut a vum Weihbëschof vu Léck 1721 konsekréiert. Den Tuerm geet a sengem Kär nach op d'Mëttelalter zeréck.

D'Kierch ass vu bausse ganz einfach an ouni Dekor. De Banneraum beandrockt duerch säin aussergewéinleche Räichtum. Déi barock Haapt- an d'Niewenaltär goufe 1719 vum Dikrecher Schräiner Jean-Pierre Schneider opgeriicht.

D'Kierch gouf um Enn vum 19. Joerhonnert vergréissert.

Bis de 7. Mee 2017 war et d'Parkierch vun der aler Par Diänjen, déi zum Parverband Ëlwen, Wäiswampech, Wëntger, zu der Pastoralregioun Norden an zum Dekanat Klierf gehéiert huet. Zur fréierer Par Diänjen huet ausser der Parkierch vun Diänjen och nach d'Kapell vu Stackem gehéiert.

• Fotogalerie
• 
  D'Kierch vu Weste gesinn
• 
  Missiounskräiz a Muttergottesstatu op der Südsäit
• 
  Agank vun der Kierch

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Kierch Diänjen – Biller, Videoen oder Audiodateien

• Websäit vun der Par Wëntger Sainte-Famille
• D'Fënstere vun der Kierch vun Diänjen op der Websäit vun der Stiftung Forschungsstelle Glasmalerei des 20. Jh. e. V. (de)
• D'Uergel vun der Kierch op Orgues.lu