Kathoulesch Kierch

Vu Wikipedia
Wiesselen op: Navigatioun, sichen
ChristianitySymbol.PNG Dësen Artikel iwwer de Chrëschtentum ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Den aktuelle Poopst Franciscus am Joer 2013

D'kathoulesch Kierch ass eng Konfessioun vun der chrëschtlecher Relioun déi sech nom Schisma am Joer 1054 a Westeuropa entwéckelt huet. Haut ass se iwwer d'ganz Welt verbreet (besonnesch an Westeuropa a Latäinamerika, awer och méi a méi an Asien) a mat ongeféier 1 Milliard Unhänger déi gréisst chrëschtlech Konfessioun.

Zur kathoulescher Kierch gehéieren u sech all d'Chrëschten déi de Poopst vu Roum als "Chef" ugesinn (an déi ennen beschriwwe Glawensinhalter deelen). An eise Géigenden mengt ee mat "kathoulesch Kierch" meeschtens déi "réimesch-kathoulesch Kierch", mä nieft dëser gëtt et awer och nach aner (22) kathoulesch sougenannt Deelkierchen, déi de Poopst unerkennen awer en anere Ritus hunn, z. B. déi chaldäesch-kathoulesch Kierch oder déi melkitesch griichesch-kathoulesch Kierch.

Glawensinhalter[änneren | Quelltext änneren]

Déi essentiell Glawensinhalter fanne sech an dem apostolesche Glawensbekenntnis an an deem vun Nicäa-Konstantinopel. Dës Glawensbekenntnisser ginn och vu villen anere Konfessiounen ugeholl a gegleeft. Doraus an doriwwer eraus gi folgend Punkten ervir:

  • D'Katholike gleewen un e Gott deen eenzeg, perséinlech, allmächteg, allwëssend an allgüteg ass; well dës Attributer net, no mënschlechen Iwwerleeungen, mat der Existenz vun Ongléck a Miser an der Welt kompatibel sinn, stellt sech d'Fro vun der Theodizee.
  • Dëse Gott ass (obschonn en eenzeg ass) dräifalteg, d. h. déi eng gëttlech Natur enthält 3 Persounen: Gott Papp, Gott Jong deen als Jesus Christus op d'Welt koum a Gott Hellege Geescht.
  • D'kathoulesch Kierch kënnt 7 Sakramenter déi sichtbar Zeeche fir eng onsichtbar Realitéit sinn (Daf, Eucharistie (Kommioun), Firmung, Versöhnung (Beicht), Bestietnes, Krankesalbung a Priisterwei), vu besonnescher Wichtegkeet ass d'Eucharistie an där fir d'Katholike Gott real present ass.
  • D'Hëllegen- a Muttergottesveréierung spillt och eng gewëss Roll am kathoulesche Glawen, si ginn nämlech als Virbiller a Vermëttler (Fürsprecher) tëscht Gott an de Mënschen ugesinn.

Moral[änneren | Quelltext änneren]

D'Moralléier vun der kathoulescher Kierch fousst op den 10 Geboter an op den Aussoe vu Jesus Christus, besonnesch an der Biergpriedegt. Aus dësen an aneren Elementer gouf déi sougenannt chrëschtlech Sozialléier opgestallt déi op folgende Prinzipie berouet:

  • Solidaritéit: déi Räich a Staark aus der Gesellschaft musse sech ëm déi Aarm a Schwaach këmmeren.
  • Subsidiaritéit: iwwergeuerdnet Strukturen däerfe sech nëmmen ëm ënnergeuerdneter këmmere wann dës net vu sech aus dozou fäeg sinn
  • Personalitéit: déi mënschlech Persoun besteet vun hirer Empfängnis bis zu hirem leschten Otemzuch an hir däerf kee Leed ugedo ginn. Sou sinn dann souwuel Ofdreiwung wéi och Euthanasie net erlaabt.
  • Gemengwuel: dat gréisst méiglecht Wuel fir souvill wéi méiglech Leit.

Et gëtt och zanter enger Zäitchen dobäi gezielt:

  • Optioun fir déi Aarm: et ass hautdesdaags méiglech den Aarmut aus der Welt ze radéieren, dofir muss all Méigleches gemaach ginn.
  • Nohaltegkeet: net op Käschte vun den zukënftege Generatioune liewen, Ëmweltschutz (als Erhale vun der Schëpfung)

Besonnesche Wäert gëtt och op d'Sexualmoral geluecht. Déi seet ausser deene Saachen déi scho bei "Personalitéit" beschriwwe sinn datt Sex déi lescht Stuf vum Sech-een-dem-anere-schenken ass an dofir just an enger bestuetener Koppel erlaabt ass. Kënschtlech Kontrazeptioun ass onzoulässeg well se verhënnert déi vu Gott geschenkte Kanner z'empfänken.

Bei all deem hëlt d'kathoulesch Kierch d'Existenz vum Naturrecht un, dat am Evangelium seng Vollendung fënnt.

Selbstverständnes[änneren | Quelltext änneren]

D'Kierch gesäit hir Aufgab an der Verherrlechung vu Gott an dëst besonnesch duerch den Déngscht un de Matmënschen. Als hir dräi Grondaufgabe betruecht se:

  • Martyria (Verkënnegung, Bezeien): de Message vum Evangelium annoncéieren an der ganzer Welt
  • Leiturgia (Feieren): an der Gemeinschaft de Message vum Evangelium commémoréien a feieren
  • Diakonia (Déngen): de Matmënschen zur Säit stoen

Hierarchie (Organisatioun)[änneren | Quelltext änneren]

D'kathoulesch Kierch ass (pyramidal) hierarchesch opgebaut: un hirer Spëtzt steet de Poopst (als Bëschof vu Roum), hien huet u senger Säit Kardinäl déi him an der Leedung vun der Universalkierch hëllefen.

De gréissten Deel un der Welt ass an territorial Diözesen opgedeelt un deenen hirer Spëtzt jee ee Bëschof steet, dësen ass de Chef vun der Lokalkierch a sengem Diözes a verbënnt dës mat der Universalkierch.

All Diözes ass a Paren opgedeelt mat engem Paschtouer als Virsteeër dee sech konkret ëm déi Gleeweg um Terrain ze këmmeren huet.

(Äerz-)Bistum Lëtzebuerg[änneren | Quelltext änneren]

  Méi Informatioun doriwwer am Artikel: Äerzbistum Lëtzebuerg Nuvola apps xmag.png

Kritik[änneren | Quelltext änneren]

Kritik un den Inhalter[änneren | Quelltext änneren]

  • Glawensinhalter

Iwwer Inhalter gëtt haaptsächlech op theologeschem Niveau gestridden, ausgehend vu Leit déi aner Weltbiller hunn, z. B. Materialismus, Deismus; et handelt sech also dacks ëm eng Metaphysikkritik. Besonnesch dacks gëtt (explizit oder implizit) d'Fro vun der Theodizee opgeworf.

  • Moral

Der Moral (besonnesch der Sexualmoral) vun der Kierch gëtt virgeworf se wier ze streng, net zäitgeméiss a géif duerch Verbidde vu Verhütungsmëttele d'Ausbreede vun AIDS favoriséieren.

  Méi Informatioun doriwwer am Artikel Ofdreiwung an d'kathoulesch Kierch an am Artikel Homosexualitéit an d'kathoulesch Kierch Nuvola apps xmag.png

Kritik un der Institutioun[änneren | Quelltext änneren]

Nieft enger ganzer Rei Verfeelungen am Laf vun der Geschicht (z. B. der Inquisitioun), gëtt der Kierch hir streng Hierarchie virgeworf déi d'Eegeninitiativ net favoriséiert. Des Weidere gëtt beklot et géif keng Gläichstellung vu Mann a Fra gi well d'Fraen net kennen zum Priister geweit ginn.

Um Spaweck[änneren | Quelltext änneren]

Commons: Kathoulesch Kierch – Biller, Videoen oder Audiodateien
Commons: Kathoulesch Kierch – Biller, Videoen oder Audiodateien