Kim Dae-jung

De Kim Dae-jung

De Kim Dae-jung, gebuer den 3. Dezember 1925 als Kin Daichū op der Insel Hauido (deemools Japanescht Keeserräich, haut Südkorea) a gestuerwen den 18. August 2009 zu Seoul, war e südkoreanesche Politiker.

Hie war laang Zäit Leader vun der Oppositioun, ier en 1998 de Kim Young-sam als President vun der Republik Korea (Südkorea) ofgeléist huet. Hie war bis 2003 an deem Amt.

2000 krut hien de Friddensnobelpräis fir seng Beméiungen, d'Relatioune mat Nordkorea ze verbesseren.

Literatur

• Kim, Dae-jung: Mein Leben, mein Weg. Autobiografie des Präsidenten der Republik Korea. Aus dem Koreanischen übertragen von Chei Woon-jung, Frankfurter Allg. Buch, Frankfurt am Main 2000, Paralleltext a koreanescher Schrëft, ISBN 3-933180-71-6 (Autobiographie).

Um Spaweck

Commons: Kim Dae-jung – Biller, Videoen oder Audiodateien