Koran

Vu Wikipedia
Wiesselen op: Navigatioun, sichen
Luxuseditioun vum Koran

De Koran (arabesch: Liesung) ass déi helleg Schrëft vun de Muslimen.

De Koran gëllt am Islam als dat direkt, onverfälscht an originalt Wuert vun Allah. Während am Chrëschtentum net d'Bibel, mä Jesus Christus d'Wuert vu Gott ass, ass et am Islam net de Mohammed, mä de Koran. Dofir gëtt am Chrëschtentum vun "Inkarnatioun" (Gott ass Mënsch ginn) geschwat, am Islam awer vun "Inlibratioun" (Gott ass Buch ginn).

No traditionellem islamesche Verständnis ass de Koran deen Text, deen dem Mohammed vu 610 bis 632 vu Gabriel diktéiert ginn ass. Mëttlerweil gëtt et awer och muslimesch Wëssenschaftler, déi, ähnlech wéi an der chrëschtlecher Theologie, eng historesch-kritesch Exeges vum Koran bedreiwen, an noweisen, datt och de Koran aus ganz ënnerschiddlechen Textzorte besteet an a verschiddenen Zäitsituatiounen entstanen ass.

De Koran op enger Demonstratioun

De Koran besteet aus 114 Kapitelen (Sure genannt), woubäi opfält, datt déi viischt déi längst an déi hënnescht déi kierzt sinn. De Koran fänkt u mat enger Sure déi an all Gebiet reziteiert gi muss, genannt Al-Fatiha ("Die Eröffnende"). E gleewege Muslim liest de Koran just an der Originalsprooch, d. h. op Arabesch, well all Iwwersetzung eng Interpretatioun, also vläicht eng Verfälschung kéint sinn.

A Koranschoule ginn d'muslimesch Kanner an de Koran agefouert.

Kuckt och[änneren | Quelltext änneren]

De Koran Projet vum Jean-Michel Treinen

Um Spaweck[änneren | Quelltext änneren]

Commons: Qur'an – Biller, Videoen oder Audiodateien