D'Lëscht The World's Billionaires ass eng Zesummestellung, déi zanter 1987 all Joer vum US-amerikanesche Wirtschaftsmagazin Forbes publizéiert gëtt an déi weltwäit all Persoune begräift, déi e geschatent Verméige vu méi wéi enger Milliard US-Dollar hunn. Diktatoren a Membere vu Kinnekshaiser sinn op dëser Lëscht net enthalen.
Tëscht 1996 an 2006 ass, no Forbes, d'Zuel vun de Milliardäre weltwäit vu 423 op 946 geklommen. Mat enger Ausnam (1997) gouf dës Lëscht vum Bill Gates, engem vun de Matgrënner vun der amerikanescher Software-Entreprise Microsoft, ugeféiert. Och wa säi Verméigen zanter 2004 staark zeréckgaangen ass, verfüügt hien haut nach iwwer e Verméige vu ronn 83 Milliarden Dollar .
Déi meescht Milliardären (277) sinn opgrond vun dëser Lëscht US-Amerikaner, gefollegt vun Däitschen. Den Inder Lakshmi Mittal, Boss vun der Mittal Steel Company, zu där elo och déi fréier Arcelor gehéiert, figuréiert mat 32 Mrd. US$ op der fënnefter Plaz.
