Marcel Flammang
| Marcel Flammang | |
|---|---|
| Gebuer |
4. Dezember 1927 Déifferdeng |
| Gestuerwen | 1977 |
| Alter | 49 / 50 Joer |
| Nationalitéit | Lëtzebuerg |
| Aktivitéit | Politiker, Aarbechter |
| Partei | KPL |
| Fonctioun | Deputéierten an der Lëtzebuerger Chamber |
 | |
De Marcel ("Mackes") Flammang, gebuer de 4. Dezember 1927 zu Déifferdeng[1], a gestuerwen Enn Juli/uganks August 1977, war e lëtzebuergeschen Aarbechter, Gewerkschaftler a Politiker (KPL).[2]
Hien huet 1945 ugefaangen, als Schmelzaarbechter op der Hadir ze schaffen, a war do 21 Joer laang Vetrieder vum Aarbechtercomité.[1]
Ausserdeem war de Marcel Flammang Member vum Déifferdenger Gemengerot, zulescht, vun 1976 un, als Schäffen.[1]
Bei de Chamberwale vum 15. Dezember 1968 gouf hien als Deputéierten an d'Chamber gewielt a bei de Chamberwale vum 26. Mee 1974 erëmgewielt. Hien huet säin Deputéiertemandat bis zu senger Demissioun den 8. Dezember 1975 behal[2] a gouf dunn an der Chamber duerch de Zénon Bernard ersat.