Marie Tesch

Vu Wikipedia
Marie Tesch
Gebuer 28. Abrëll 1832
Gestuerwen 1. Juni 1904
Wiesbaden
Nationalitéit Lëtzebuerg
Famill
Bestuet mat Charles Jacques Marie Gustave Munchen
Kanner Fernand Munchen
Wikidata-logo-without-paddings.svg
Dat roudelzegt Haus op Nr 10 an der Eecher Strooss, d'Heemechtshaus vun der Marie Tesch.
Luxembourg, rue Munchen-Tesch(nom de rue) 10.jpg

D'Marie Barbe Joséphine Tesch, gebuer den 28. Abrëll 1832[1] a gestuerwen den 1. Juni 1904 zu Wiesbaden[2][3], war eng Duechter vun der Koppel Ferdinand Materne Tesch an Antoinette Zeitz.

Si huet sech de 15. Februar 1854 zu Hesper mam Gustave Munchen bestuet an d'Koppel krut e Bouf, de Fernand, deen de 25. November 1854 gebuer gouf. Duerch en Accident ass hien am Alter vun nëmme 16 Joer, den 29. Dezember 1870 gestuerwen[4].

Als Erënnerung un hiert eenzegt Kand, huet d'Marie Tesch der deemoleger Gemeng Eech e bedeitend Verméige verierft, ë. a. d'Haus 10 an der Eecher Strooss, fir datt do eng Crèche kéint ageriicht ginn[5]. D'Gebai gëtt hautdesdaags nach als Spillschoul benotzt[6].

Iwwert d'Fondatioun Munchen-Tesch déi no hirem Doud gegrënnt gouf, goufen 1924 déi éischt Consultatioune vu Bëbeeën organiséiert[4].

Als Undenken un hir „Wohltäterin“ huet d'Stad Lëtzebuerg 1925 eng Strooss zu Eech no hir genannt: d'Rue Munchen-Tesch[7]; am Joer 2022 goufen d'Virnimm um Stroosseschëld bäigesat, sou datt d'Strooss elo Rue Marie Barbe Joséphine Munchen-Tesch heescht.

Referenzen an Notten[Quelltext änneren]

  1. Marie Barbe Joséphine Tesch op www.ancestry.com gekuckt den 20. Mäerz 2022
  2. Annonce vum Doud vun der Marie Tesch an der Obermoselzeitung vum 3. Juni 1904 op eluxemburgensia gekuckt den 20. Mäerz 2022
  3. De Gustave Muchen an La famille MUNCHEN par Louis Wirion - Luxemburgensia onliner geluckt den 20.Mäerz 2022
  4. 4,0 4,1 (fr)Louis Wirion, La famille Munchen. a-z.lu (1949). Gekuckt de(n) 19.03.2022.
  5. (de)Henri Beck, Evy Friedrich, Was bedeuten die Straßennamen der Stadt?. onsstad.vdl.lu (1988). Gekuckt de(n) 19.03.2022.
  6. (de)Evamarie Bange, Stiftungen und Schenkungen an die Stadt und ihre Bürger. onsstad.vdl.lu (2015). Gekuckt de(n) 19.03.2022.
  7. (fr)Ville de Luxembourg, Rue Munchen-Tesch. www.findbuch.net (1925). Gekuckt de(n) 19.03.2022.