Milly Ludwig
| Milly Ludwig | |
|---|---|
| Gebuertsnumm | Emilie Anna Ludwig |
| Gebuer |
17. Februar 1927 Diddeleng |
| Gestuerwen |
29. Juni 2011 Esch-Uelzecht |
| Alter | 84 Joer |
| Nationalitéit | Lëtzebuerg |
| Aktivitéit | Wäitspréngerin, Héichspréngerin, Hürdeleefer |
| Huet matgemaach bei | Olympesch Summerspiller 1948 |
 | |
D'Milly oder Milena Ludwig, gebuer als Emilie Anna Ludwig de 17. Februar 1927 zu Diddeleng, a gestuerwen den 29. Juni 2011 zu Esch-Uelzecht, war eng lëtzebuergesch Liichtathleetin an Olympionickin.[1]
Karriär
[änneren | Quelltext änneren]An de Krichsjoren huet d'Milly Ludwig mat der Liichtathleetik (Hürdesprint a Wäitsprong) ugefaangen a gouf Member beim beim Cercle des sports Union Dudelange, deen de 25. Mäerz 1945 gegrënnt gi war. Den 12. August 1945 huet si den éischte lëtzebuergesche Rekord am 80-m-Hürdelaf an der Zäit vun 13''7 opgestallt[2].
No 1945 war si op nationalen an internationalen Turnéieren derbäi. Op der Liichtathleetik-Europameeschterschaft 1946 zu Oslo huet si an dräi Disziplinne matgemaach: 80-m-Hürdelaf (13''2, Plaz 7 vun 9), Héichsprong (1,48 m, Plaz 7 vun 10) a Wäitsprong (4,91 m, éischte lëtzebuergesche Rekord)[2].
De 15. August 1945 ass si 5,17 m wäit gesprongen, e Rekord, dee si 24 Joer laang gehalen huet, bis d'Manuela Kaufhold 2 cm méi wäit gesprongen ass[2].
Op den Olympesche Summerspiller 1948 zu London ass si am Wäitsprong ënner 26 Konkurrentinnen aus 18 Natioune mat engem Sprong vu 4,80 m op d'Plaz 16 komm[3].
No 1953 huet si an enger Klouschterschoul enseignéiert a bei der Grënnung vun der nationaler Basketballfederatioun a vum Basketballclub T71 Diddeleng gehollef.
Privatliewen
[änneren | Quelltext änneren]D'Milly Ludwig ass de 24. Juli 1951 mam Guy Steinmetz bestuet ginn[4].
Unerkennungen
[änneren | Quelltext änneren].jpg)
- Am Kader vum internationale Fraendag 2019 huet d'Gemeng Diddeleng am Quartier Lenkeschléi fënnef Stroossen an eng Plaz no Diddelenger Frae genannt, déi an hirer Zäit Virreiderinne waren a sech no hire politeschen, privaten oder berufflechen Iwwerzeegungen engagéiert hunn. Dorënner d'Rue Milly Steinmetz-Ludwig an Erënnerung un d'Milly Ludwig[5].
- 1998 gouf si mam Éierepräis vum „Lëtzebuergesche Sportler vum Joer“ ausgezeechent.
Literatur
[änneren | Quelltext änneren]- Anne Julie Heintz, Düdelingen entdeckt seine weibliche Seite op wort.lu den 8. Mäerz 2019 an an der Drockversioun vum Luxemburger Wort vum 9. / 10. Mäerz 2019, S. 40-41, ënnert dem Titel Starke Frauen, starke Geschichten.
Auszeechnungen
[änneren | Quelltext änneren]- Chevalier de l'Ordre de Mérite du Grand-Duché de Luxembourg[6]
Kuckt och
[änneren | Quelltext änneren]
Portal Sport- Lëscht vu lëtzebuergesche Sportler
- Lëscht vu lëtzebuergeschen Olympionicken
- Lëtzebuergesch Sportler vum Joer
Referenzen
[Quelltext änneren]- ↑ D'Milly Ludwig op der Websäit vu sports-reference.com
- 1 2 3 Gricius, Pierre. Luxemburger Sportlerinnen bei den olympischen Spielen 1924 - 2012. Luxembourg: Conseil national des femmes, 2013. Print. S. 64-65. ISBN 978-2-9599734-5-1
- ↑ D'Milly Ludwig op der Websäit vun der 'Association Luxembourgeoise des Olympiens' Archivéiert den 09.03.2016. Gekuckt den 12.02.2011.
- ↑ (fr) MARIAGES. Luxemburger Wort, 104. Jg., n° 202/203, p. 7 (21.07.1951). Gekuckt den 18-.06.2024.
- ↑ Quell wou net anescht uginn: Anne Julie Heintz an der Literatur.
- ↑ 30-06-2008:Promotion dans les ordres nationaux »: Les anciens « Olympiens » luxembourgeois à l'honneur