Nationale Regëster vun den Uertschaften an de Stroossen
Den nationale Regëster vun den Uertschaften an de Stroossen, offiziell Registre national des localités et des rues, ass déi Referenzlëscht vun den Nimm vun de lëtzebuergeschen Uertschaften a Stroossen am Lëtzebuerger Land. Dee Regëster gouf vum Kadaster a vum Centre informatique de l'État ageriicht, an dës Datebank ass fir déi staatlech Instanzen déi Referenz vun de lëtzebuergeschen Adressen.
D'Gesetz vum 25. Juli 2002[1] iwwerdréit dem Kadaster d'Zoustännegkeet fir d'Opstellen, d'Verwalten, d'Verbreeden an d'Mise à jour vu sou engem Regëster, deen d'Nimm vun den Uertschaften, de Stroossen an d'Nummere vun de Gebaier enthale muss.
D'Gemenge sinn, nieft e puer staatlechen Instanzen, déi wichtegst Partner fir d'Donnéeën ze liwweren.
Follgend Donnéeë ginn am Regëster gefouert:
- Numm vum Verwaltungsdistrikt
- Numm vum Kanton
- Numm vun der Gemeng
- Numm vun der Uertschaft
- Numm vun der Strooss
- Nummer vum Gebai / Haus
- Postcode vum Gebai (an Zesummenaarbecht mat der Post)
De Regëster ass um Internet ëffentlech zougänglech an duerchsichbar.
Um Spaweck
[änneren | Quelltext änneren]Referenzen
[Quelltext änneren]- ↑ Cf. den Artikel 2, Punkt g in: Loi du 25 juillet 2002 portant réorganisation de l'administration du cadastre et de la topographie. Mémorial A Nr. 108: 2744-2749, 11.09.2002.