Psycho (Film 1960)

Vu Wikipedia
(Virugeleet vu(n) Psycho)
Psycho
Film
Produktiounsland USA
Produktiounsjoer 1960
Première 1960
Dauer 109 min
Faarf Schwaarz-Wäiss
Originalsprooch Englesch
Ekipp
Regie Alfred Hitchcock
Dréibuch Joseph Stefano
nom Roman Psycho vum
Robert Bloch
Fotografie John L. Russell
Musek Bernard Herrmann
Produzent Alfred Hitchcock,
fir Shamley Productions
Produktiouns-
gesellschaft
Paramount Pictures
Schauspiller
Anthony Perkins als Norman Bates
Janet Leigh als Marion Crane
Vera Miles als Lila Crane
Martin Balsam als Detective Arbogast
John Gavin als Sam Loomis
John McIntire als Sheriff Al Chambers
Vaughn Taylor als George Lowery
Pat Hitchcock als Caroline
Filmportal - Filmer no Joren - Film no Länner - Film no Genre

Psycho ass en US-amerikanesche Film, deen 1960 vum Alfred Hitchcock no engem Dréibuch vum Joseph Stefano a Schwaarz-Wäiss gedréint gouf.

Dëse Suspense-Film ass ee vun den zentrale Wierker vum Hitchcock an och ee vun deene populäersten.

Ëm wat geet et am Film?[änneren | Quelltext änneren]

D'Marion Crane, eng Sekretärin an enger Immobilien-Agence, gëtt vun hirem Patron ugestallt, eng héich Zomm Suen - 40.000 Dollar - op d'Bank ze bréngen. Hatt mécht sech awer mat de Suen aus dem Stëbs, fir bei säi Frënd, deen an engem anere Bundesstaat wunnt, ze fueren, an do en neit Liewen unzefänken. Ënnerwee hält et, wéinst engem Donnerwieder an der Nuecht, an engem Motel stall. Dëse gëtt vun engem scheie jonke Mann, dem Norman Bates, gefouert, deen dem Marion erzielt, hie géif do eleng mat senger Mamm wunnen. D'Marion kritt d'Zëmmer Nr.1, an hëlt, no engem Gespréich mam Norman, eng Dusch...

Soss[änneren | Quelltext änneren]

D'Zeen, wou d'Haaptactrice ënner der Dusch erstach gëtt, an dem Bernard Herrmann seng schrill Staccato-Sträicher Musek dozou, gehéiert mëttlerweil zu deenen am dacksten zitéierten Zeenen aus der Filmgeschicht.

D'Kuliss vum Psycho-Haus mam Motel virdrun.

Et gëtt 3 Fortsetzunge vum Film:
1983: Psycho II, Regie: Richard Franklin
1986: Psycho III, Regie: Anthony Perkins
1991: Psycho IV - The Beginning, Regie: Mick Garris
allen 3 mam Anthony Perkins an der Haaptroll.

1998 huet de Gus Van Zant e Remake gedréint, deen d'Original praktesch Astellung fir Astellung kopéiert.

De Film Hitchcock vum Sacha Gervasi (2012) spillt wärend den Dréiaarbechte vu Psycho, woubäi den Anthony Hopkins den Hitchcock spillt, d'Helen Mirren seng Fra Alma Hitchcock-Reville, an d'Scarlett Johansson d'Vivian Leigh.

Cameo[änneren | Quelltext änneren]

Ongeféier an der 7. Minutt vum Film gesäit een den Hitchcock vun hannen, mat engem Cowboyshutt op, virun der Agence stoen.

Literatur[änneren | Quelltext änneren]

  • Robert Bloch: Psycho. Heyne, München 1987, ISBN 3-453-01991-1.
  • Robert A. Harris, Michael S. Lasky, Hrsg. Joe Hembus: Alfred Hitchcock und seine Filme. (Original: The Films of Alfred Hitchcock). Citadel-Filmbuch bei Goldmann, München 1976, ISBN 3-442-10201-4.
  • Janet Leigh, Christopher Nickens: Psycho. Hinter den Kulissen von Hitchcocks Kultthriller. Heyne, München 1996, ISBN 3-453-10863-9.
  • Stephen Rebello: Hitchcock und die Geschichte von "Psycho". Wilhelm Heyne, München 2013, ISBN 978-3-453-43726-5.
  • Johann N. Schmidt: Psycho in Filmklassiker - Beschreibungen und Kommentare / Hrsg. von Thomas Koebner. 5. Auflage, Reclam junior, Stuttgart 2006, ISBN 978-3-15-030033-6; Band 2: 1946 - 1962, Ss. 467-473
  • Johannes Schmitt: Spielfilme im Vergleich. Hitchcocks „Psycho“ und die Tradition der rollensubjektiven Perspektive. Münster Lit Verlag 2003, ISBN 3-8258-7024-3.
  • Donald Spoto: The Art of Alfred Hitchcock. Hopkinson and Blake, New York 1976, ISBN 0-911974-21-0.

Um Spaweck[änneren | Quelltext änneren]

Referenzen[Quelltext änneren]