Ramborn
| Ramborn Cider Co. | |
|---|---|
_23,_Duerfstrooss_2021-07_---1.jpg) D'Ramborn-Vizerei zu Bur. | |
| Grënnungsdatum | 2015 |
| Sëtz |
23, Duerfstrooss, Bur (Rouspert-Mompech)  Lëtzebuerg |
| Branche | Gedrénks |
| Produit |
Viz a soss Produkter op Basis vun Uebstjus |
| Homepage | ramborn.com |
Ramborn ass de Markennumm vum Gedrénks vun der lëtzebuergescher Entreprise Ramborn Cider Co., déi virun allem Cider (Viz) produzéiert.
D'Firma mat Sëtz zu Bur (Rouspert-Mompech) gouf 2015 vun dräi Associéë gegrënnt. déi déi al Traditioun vun der Vizproduktioun nees wollten opliewe loossen.[1]
Si schafft mat iwwer 100 Bauerebetriber an der Emgéigend zesummen, déi hir Äppel vu Ramborn presse loossen. Dat dréit indirekt zum Erhale vun de Bongerte mat hiren alen Uebstzorte bäi.[1]
Nieft Viz aus Äppel an haaptsächlech dräi Varianten produzéiert Ramborn och deeës aus Bieren (Perry) an aus Quidden, ma och Jusen, Drëppen an Esseger.[2]
Den Numm "Ramborn" ass e Portmanteau-Wuert, zesummegesat aus Rambo, enger aler Äppelzort, a Born, den Numm vum Duerf op däitsch.
Referenzen
[Quelltext änneren]- ↑ 1,0 1,1 "Iwwer eis" op ramborn.com.
- ↑ "Produkter" op ramborn.com.