René Breckler

Vu Wikipedia
Op d'Navigatioun wiesselen Op d'Siche wiesselen

De René Breckler, gebuer 1915 zu Schëffleng a gestuerwen 1965, war e lëtzebuergeschen Zauberkënschtler.

De René Breckler ass 1934 vum däitschen Zauberkënschtler Kalanag an d'Zauberkonscht agewise ginn. No engem éischten Optrëtt am Hotel "Alfa" 1936 ass hien an den nächste Joren iwwerall zu Lëtzebuerg an der Ëmgéigend opgetrueden.

1940 hat hie säi groussen Duerchbroch am "Wintergarten" zu Berlin. Uganks der 1940er Jore war hien no Engagementer a ganz Europa ee vun de bekanntsten Ënnerhalungskënschtler vu senger Zäit. 1945 huet de René Breckler, wéinst der grousser US-amerikanescher Konkurrenz, nees missen am Tapezéierberuff schaffen.

Wéi de Variétéensembel vun der Nationallotterie gegrënnt gouf, ass hie vum Vic Molitor doran engagéiert ginn. De René Breckler ass, bis zu sengem Doud 1965, als Zauberkënschtler bei all Tirage opgetrueden.