Roy Tucker

Vu Wikipedia
Op d'Navigatioun wiesselen Op d'Siche wiesselen

De Roy A. Tucker, gebuer am Joer 1951, zu Jackson (Mississippi), USA)[1] ass en amerikaneschen Astronom. Hie gëllt als Entdeckerspezialist vun Asteroiden. Tëscht 1996 an 2006 huet hien 210 Asteroiden identifizéiert a matentdeckt.[2]

Den Tucker ass zu Memphis opgewuess. Zanter 1966 ass hie Member an der Memphis Astronomical Society. Säi Master huet hien op der Universitéit vu Kalifornien zu Santa Barbara gemaach. Am Ament schafft hien als Ingenieur am Imaging Technology Laboratory vun der Universitéit Arizona.

Auszeechnungen an Entdeckungen[änneren | Quelltext änneren]

  • 2002, war hien ee vu fënnef Wëssenschaftler, déi mam "Gene Shoemaker Near Earth Object Grant" ausgezeechent goufen.
  • Als wuel wichtegst Entdeckung gëllt d'Matentdeckung vum Asteroid (99942) Apophis (virdru besser bekannt ënner senger virleefeger Bezeechnung 2004 MN4) zesumme mam David J. Tholen an dem Fabrizio Bernardi vun der Universitéit Hawaii. Den Asteroid soll den 13. Abrëll 2029 zimlech no bei eis Äerd kommen.

Literatur[änneren | Quelltext änneren]

  • Aguirre, Edwin L. 1999. Sentinel of the Sky - Armed with a Modest Telescope and CCD Camera, Tucson Amateur Roy A Tucker Joins the Ranks of Professional Astronomers Who Have Discovered Near-Earth Objects. Sky and Telescope. 97, no. 3: 76.
  • CCD Precision Photometry Workshop, Eric R. Craine, Roy A. Tucker, Jeannette V. Barnes. CCD Precision Photometry Workshop: Proceedings of a Meeting Held at San Diego, California, USA, 6-7, June 1998. Astronomical Society of the Pacific conference series, v. 189. San Francisco, Calif: Astronomical Society of the Pacific, 1999. ISBN 1-58381-015-3.

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]

Referenzen[Quelltext änneren]

  1. gpobs.home.mindspring.com
  2. Infos von cfa-www.harvard.edu Webseite