Saint-John Perse

Vu Wikipedia
Wiesselen op: Navigatioun, sichen
Den Saint-John Perse (1960).

De Saint-John Perse (fir richteg: Alexis Leger), gebuer den 31. Mee 1887 zu Pointe-à-Pitre op Guadeloupe, a gestuerwen den 20. September 1975 zu Giens, war e franséischen Dichter, Diplomat an Nobelpräisdréier fir Literatur.

Liewen[änneren | Quelltext änneren]

Den Alexis Leger huet seng Kandheet op de Franséischen Antillen verbruecht. 1899 ass e mat senger Famill an d'Metropol wunne gaangen, wou en Droit a Politikwëssenschaften op der Universitéit Bordeaux an zu Paräis studéiert huet.

1914 goung en an den diplomateschen Déngscht a gouf 1916 Legationssekretär zu Beijing, an ass a Korea, d'Mongolei an a Japan gereest. Nom Éischte Weltkrich gouf e Conseiller vum franséischen Ausseminister Aristide Briand. 1929 gouf en Directeur des Affaires politiques am Ausseministère, wouvun en 1933 Generalsekretär gouf.

1940 huet e beim Amarsch vun den Däitsche seng Plaz verluer. Hie krut d'franséisch Nationalitéit oferkannt a säi Verméige gouf konfiskéiert. Doropshin ass en an d'USA emigréiert, wou e Conseiller fir d'Library of Congress gouf. Nom Zweete Weltkrich gouf en a Frankräich rehabilitéiert. Hien ass awer eréischt 1957, als Dichter Saint-John Perse, a Frankräich zréckgaangen.

1960 huet de Saint-John Perse den Nobelpräis fir Literatur fir seng Gedichter kritt.

Wierker (Auswwiel)[änneren | Quelltext änneren]

  • Éloges (dodra sinn: Images à Crusoé, Pour fêter une enfance, Éloges), 1911.
  • Anabase, 1924.
  • Amitié du Prince, 1924.
  • Chanson du Présomptif, 1924.
  • Exil, 1942.
  • Poème à l'Étrangère, 1943.
  • Pluies, 1943.
  • Neiges, 1944.
  • Quatre poèmes (1941-1944)dodran: Exil, Pluies, Neiges a Poème à l'Étrangère, 1944.
  • Berceuse, 1945 .
  • Vents, 1946.
  • Amers, 1948.
  • Chronique.
  • Poésie, Ried beim Banquet fir den Nobelpräis, zu Stockholm den 10. Dezember 1960.
  • Oiseaux, 1962.
  • Chant pour un équinoxe, 1975.

Literatur[änneren | Quelltext änneren]

  • Joëlle Gardes: Saint-John Perse. Les rivages de l'exil. Biographie. Éd. Aden, Croissy-Beaubourg 2006, ISBN 2-84840-081-1
  • Mireille Sacotte: Alexis Léger, Saint-John Perse. Belfond, Paris 1991. Reprint L'Harmattan, Paris 1997, ISBN 2-7384-6121-2

Um Spaweck[änneren | Quelltext änneren]

Commons: Saint-John Perse – Biller, Videoen oder Audiodateien