Schwiewel

Schwiewel
	(fr) soufre
	Positioun vum Schwiewel am Periodesystem
Allgemenges
Symbol	S
Uerdnungszuel	16
Virgänger	Phosphor
Nofollger	Chlor
Elementkategorie	Netmetaller
Gehéiert zu	3. Period vum Periodesystem,; 16. Grupp vum Periodesystem
CAS-Nummer	7704-34-9
Atomar
Atommass	32,06
Elektronekonfiguratioun	[Ne] 3s² 3p⁴
Physikalesch
Dicht	2,07
Cheemesch
Elektronegativitéit	2,07
Aner Informatiounen
Entdecker	Antoine Lavoisier
Datum	1777
Elektronecouche
	Elektronekonfiguratioun vum Schwiewel

Schwiewel oder Schwiefel (Symbol S) ass e cheemescht Element mat der Uerdnungszuel 16 am Periodesystem vun den Elementer. Seng relativ Atommass ass 32,064 +- 0,003. Schwiewel ass e gielen, netmetallesche Feststoff deen an der Natur entweeder a rengem Zoustand oder a Form vun anorganesche Verbindunge virkënnt.

Et si 25 Isotope vum Schwiewelatom bekannt, dovu sinn der 4 stabel: ³²S (95,02 %), ³³S (0,75 %), ³⁴S (4,21 %) a ³⁶S (0,02 %). Vun de radioaktiven Isotopen huet nëmmen de ³⁵S-Isotop eng Hallefwäertszäit vu 87,51 Deeg, fir all aner Isotope läit s'am Beräich vu Sekonnen oder Millisekonnen. De ³⁵S-Isotop entsteet duerch kosmesch Stralung aus dem ⁴⁰Ar-Isotop.

Natierlecht Virkommen

Schwiewel kënnt an der Natur virun allem a Géigende mat ausgepräägtem Vulkanismus a senger elementarer Form vir. E kann och a Biergwierker ofgebaut ginn oder no dem "Frasch-Verfaren" aus sengen ënnerierdesche Lagerplazen ausgeschmolt ginn. Aner wichteg Quelle fir Schwiewel sinn Äerdgas an Äerdueleg, wou en als Schwiewelverbindung enthalen ass an dacks ënner Drock an Temperatur zu Schwiewelwaasserstoff zerfält. Schwiewelwaasserstoff ka mat Hëllef vum Claus-Procedé zu elementarem Schwiewel ëmgewandelt ginn.

De Schwiewel ka jee no Temperatur an Drock ënner ënnerschiddleche Réngforme virkommen: Seng Allotropie erméiglecht follgend Formele fir elementare Schwiewel S_n mat n=6,7,8,10,11,2. Déi wichtegst a stabilst Form vum Schwiewel ass awer S8.

Roll a Gebrauch

De radioaktiven Isotop ³⁵S ka kaaft ginn, an e gëtt a landwirtschaftlechen a biologesche Studie benotzt.

Wichteg Substanzen déi Schwiewel enthalen

Schwiewelsaier: H₂SO₄, eng vun de stäerksten anorganesche Saieren déi vill Uwennungen an der Industrie an an der Fuerschung huet. Bekannt ass s'als Elektrolyt a Bläibatterien (z. B. d'Starterbatterien an den Autoen).
Schwiewelwaasserstoff: H₂S, eng extreem gëfteg Substanz déi no faulen Eeër sténkt.
Schwieweldioxid: SO₂, entsteet bei der Verbrennung vu Schwiewel a schwiewelhaltege Produkter, wouduerch de sauere Reen entsteet.
Gips: Calciumsulfat-dihydrat; CaSO₄* 2H₂O, ee wichtege Baustoff.

Um Spaweck

Commons: Schwiewel – Biller, Videoen oder Audiodateien