Skinny J
| Skinny J | |
|---|---|
| Gebuertsnumm | Jim Thill |
| Nationalitéit | Lëtzebuerg |
| Aktivitéit | Tountechniker, Rapper |
 | |
De Jim Thill, besser bekannt als Skinny J, ass e lëtzebuergesche Rapper.[1]
Hien ass, zesumme mam Tommek, dem Tun Tonnar an aneren, Member vum Kollektiv Stayfou.[2]
Liewen a Karriär
[änneren | Quelltext änneren]De Jim Thill ass 2013 de Bass-Gittarist vun der Punkband All the Way Down ëm de John Wolter ginn.[3] Mat där huet hien 2017 den Album For the Princess opgeholl.
2016 huet hien als Deel vum Kollektiv Räpzodi, an deem hie Gittar a Batterie gespillt huet, een Album mam selwechten Numm verëffentlecht.[4] Dee gouf vum Serge Tonnar produzéiert.
Als Rapper huet de Skinny J vill mam Rapper Turnup Tun kollaboréiert. Eent vun hiren éischte gemeinsame Lidder als Duo war Grand-Duc (2017). Zesummen hu se zwéin Albumen erausbruecht, Frësche Wand (2018) an All Aen op eis (2020). Zu hiren erfollegräichste Lidder gehéieren d'Summerhitten Karibik (mam Bandana) a Cuba Libre (mam Tommek). Déi zwéi Videoen hunn op YouTube iwwer 40.000, respektiv iwwer 75.000 Vuen.[5][6] Elleng op Spotify goufen déi zwee Lidder ronn 150.000, respektiv iwwer 190.000 Mol gelauschtert.[7]
Den 12. Abrëll 2019 war d'Releaseparty vum Skinny J senger éischter Solo-EP Ego, zesumme mam Release vum Ragga senger EP Däischter Gaassen.
De Jim Thill schafft professionell als Tountechniker.[1][8]
Discographie
[änneren | Quelltext änneren]Studiosalbumen
[änneren | Quelltext änneren]- 2018: Frësche Wand (zesumme mam Tun Tonnar)
- 2020: All Aen op eis (zesumme mam Tun Tonnar)
EP
[änneren | Quelltext änneren]- 2019: Ego
Lidder (Auswiel)
[änneren | Quelltext änneren]- 2017: Grand-Duc (zesumme mam Tun Tonnar)
- 2018: Karibik (zesumme mam Tun Tonnar a Bandana)
- 2018: Cuba Libre (zesumme mam Tun Tonnar an Tommek)
- 2018: 100K (zesumme mam Tun Tonnar)
- 2019: Lloret (zesumme mam Tun Tonnar)
- 2018: Ëmmer nach besoff
- 2018: Ego
- 2019: Buedemstänneg
- 2019: Bounce (zesumme mam luk. a John Ragga)
- 2021: Roli
Um Spaweck
[änneren | Quelltext änneren]- De Skinny J op Soundcloud, Facebook
- Dem Skinny J seng Discographie op Rate Your Music
- Stayfou op Youtube
Referenzen
[Quelltext änneren]- ↑ 1,0 1,1 rtl.lu: Lifestyle - Live! Planet People am Replay Zu Gaascht waren: Tun Tonnar, Jim Thill, Alex Heyar an Ivan Cardoso (8. Mäerz 2018)
- ↑ 100komma7.lu: "Authentizitéit ass ganz wichteg" (19. Oktober 2019)
- ↑ court-circuit.band: All the way down
- ↑ wiltz.lu: Garden Sounds - Räpzodi (2020)
- ↑ YouTube: Skinny J & Turnup Tun - Karibik (feat. Bandana)
- ↑ YouTube: Skinny J & Turnup Tun - Cuba Libre (feat. Tommek)
- ↑ Streaming-Statiskik vum Tun Tonnar op Spotify
- ↑ 100komma7.lu: All Aen Op Eis: Kee politesche Sprengstoff (31. Mäerz 2020)