Summerdräieck
De Summerdräieck ass eng einfach, awer markant Stärekonstellatioun um nërdleche Stärenhimmel. Et ass keen offiziellt Stärebild am Sënn vun der IAU (International Astronomesch Unioun). An de Summerowenter ass et déi opfällegst Konstellatioun um Zenit.
De Summerdräieck ass am Summer an der Nordhemisphär um Nuetshimmel kuerz no Sonnenënnergank schonn an der Schummerecht a südlecher Richtung ze gesinn. Trotz Liichtverschmotzung ass et och an de Groussstied ze gesinn. D'Formatioun besteet aus de Stären:
- Vega am Stärebild Lyra (Leier)
- Deneb am Stärebild Cygnus (Schwan)
- Altair (och Atair genannt) am Stärebild Aquila (Aadler)
