T.TV
T.TV (virdrun Tango TV genannt) war e lëtzebuergeschen Televisiounsprogramm, dee vum 2. Februar 2002 bis de 17. Mäerz 2007 vun der Everyday Media S.A. iwwer Satellit an d'Kabelnetzer vu verschiddenen Teledistributeure verbreet gouf. De Generaldirekter war vun November 2004 bis Mäerz 2006 den Dr. Antoine Santoni. Nom Depart vum Santoni huet Tele 2 de Schwed Marcus Nylén op déi Plaz gesat.
Mä och hie konnt net erreechen, datt T.TV schwaarz Zuele geschriwwen huet. No am Ganzen 18 Milliounen Euro Perte gouf de Sender zougemaach.