Tajo
 | |
| Längt | 1.007 km |
|---|---|
| Debit | 500 m³/s |
| Hydrographesche Baseng | Tagusbaseng |
| Fläch vum Anzuchsgebitt | 80.602 km² |
| Leeft an | Atlanteschen Ozean |
| Haaptnieweflëss | Ocreza, Pônsul, Trancão, Alviela, Ribeira de Barcarena, Ribeira de Nisa, Alenquer, Almonda, Alpiarça, Coina, Grande da Pipa, Jamor, Judeu, Maior, Rio da Ota, Rio Sorraia, Sever, Erges |
 | |
 | |
Den Tajo (op Spuenesch Tajo [ˈtaxo̞], op Portugisesch Tejo [ˈtɛʒʊ], op Latäin Tagus an op Algriichesch Τάγος Tagos), ass de längste Floss op der Ibeerescher Hallefinsel. En huet eng Längt vun 1.038 km, a leeft duerch Spuenien a Portugal.
En entspréngt a Spuenien un der Quell Fuente de García an de Bierger Sierra de Albarracín, op enger Héicht vu 1.593 m a leeft a Portugal zu Lissabon an den Atlantik.
Déi éischt 716 km leeft en a Spuenien, méi genee an den autonome Regiounen Aragonien, Kastilien-La Mancha, Madrid an Extremadura. Duerno mécht en op 47 km d'Grenz tëscht Spuenien a Portugal a leeft dann do 275 km duerch d'Regiounen Alto Alentejo, Ribatejo an Estremadura bis op Lissabon.
Déi wichtegst Stied déi den Tajo passéiert sinn Aranjuez, Toledo an Talavera de la Reina a Spuenien, an Abrantes, Santarém a Lissabon a Portugal.
Säin Anzuchsgebitt huet am Ganze ronn 80.600 km². An deem Gebitt liewen 10 Millioune Leit. Dozou zielen d'Metropolregiounen Lissabon a Madrid.
D'Vasco da Gama Bréck iwwer den Estuaire vum Tago war mat 17.185 Meter eng Zäitchen[Wéini?] déi längst Bréck vun der Welt.
Um Spaweck
[änneren | Quelltext änneren] |
Commons: Tajo – Biller, Videoen oder Audiodateien |
- Laf vum Tajo op openstreetmap